యాపిల్ లో వుండే ఆరోగ్య ప్రయోజనాలు

Posted: 04/04/2015 03:13 PM IST

Apple fruit nutrients health benefits body diseases

ఆరోగ్యకరమైన శరీరానికి కావలసిన పోషకాలు యాపిల్ పండ్లలో సమృద్ధిగా వుంటాయి. అందుకే.. అనారోగ్య బారిన పడినప్పుడు ఈ పండ్లను తీసుకోవాలని వైద్యనిపుణులు సూచిస్తుంటారు. ఈ పండ్లలో త్వరగా జీర్ణమయ్యే పీచు పదార్థం సమృద్ధిగా ఉంటుంది. ఫైటోకెమికల్స్‌ను రక్షించే రోగనిరోధక వ్యవస్థ మెండుగా ఉంటుంది. అలాగే ఇందులో వుండే యాంటిఆక్సిడెంట్లు శరీరానికి ఎంతో మేలు చేస్తాయి. రంగు, రుచి, పోషక విలువల దృష్ట్యా చాలామంది యాపిల్స్ వైపు మొగ్గు చూపుతుంటారు.

ఇంకా ఈ యాపిల్ తో మరెన్నో ఆరోగ్య ప్రయోజనాలు కలుగుతాయి. అవేమిటంటే.. దంతాలు, ఎముకల ఆరోగ్యానికి ఇది ఎంతో మేలు చేస్తుంది.. అల్జీమర్స్ వ్యాధిని నిరోధిస్తుంది.. క్యాన్సర్ రిస్క్‌ను చాలావరకు తగ్గించడంలో కీలకపాత్ర వహిస్తుంది.. ఇందులో వుండే ఫైబర్ కొలెస్ట్రాల్ బరువును తగ్గిస్తుంది.. డయాబెటిస్‌ను నియంత్రిస్తుంది.. గుండె సంబంధింత రోగాలను దూరం చేస్తుంది.. లివర్‌ ఆరోగ్యాన్ని మెరుగుపరుస్తుంది.. డయేరియాను నిరోధించే పోషకాలూ ఇందులో పుష్కలంగా వుంటాయి. ఇలా ఈ పండు ఇన్ని ఔషధగుణాలు కలిగి వుంటుంది కాబట్టి.. దీన్ని రెగ్యులర్ గా తీసుకుంటే ఆరోగ్యంగా వుండవచ్చునని న్యూట్రీషన్లు, ఆరోగ్య నిపుణులు అంటున్నారు.

యాపిల్‌లో వుండే న్యూట్రీషన్ విలువలు :

1. ఆపిల్‌లో కొవ్వు, సోడియం, కొలెస్ట్రాల్ ఉండదు.
2. ఈ పండులో విటమిన్ సి, బి కాంప్లెక్స్ విటమిన్స్ వుంటాయి. ఇవి బరువును నియంత్రిస్తాయి.
3. డైట్ ఫైబర్ -హృద్రోగ వ్యాధులను నయం చేస్తుంది.
4. ఇందులో వుండే మినరల్స్, క్యాల్షియం, పొటాషియం, ఫాస్పరస్‌ అనారోగ్య సమస్యలను దూరం చేస్తుంది.