మెంతికూరలో దాగివున్న హెల్త్ బెనిఫిట్స్!

Posted: 04/06/2015 01:16 PM IST

సాధారణంగా ఆకుకూరల్లో మానవ శరీరానికి అవసరమయ్యే ఎన్నోరకాల పోషకాలు దాగివుంటాయన్న విషయం తెలిసిందే! ముఖ్యంగా పచ్చని ఆకుకూరల్లో అయితే..  ఎన్నో ఆరోగ్య ప్రయోజనాలు దాగి వుంటాయి. వీటితో ప్రతిరోజూ ఏదో ఒక వంటకం చేసుకుని తింటే.. అవి అనారోగ్యాన్ని దూరంగా వుంచుతాయి. ఇవి గుండెకు మేలు చేస్తాయి. నడుము చుట్టు కొలతను పెంచనివ్వవు.

ఇక ఆకుకూరల్లో రకరకాల కూరలుంటాయి. అటువంటి రకాల్లో మెంతికూర ఒకటి! దీనిని అద్భుతమైన ఔషధ ఆహారంగా వైద్య నిపుణులు పరిగణిస్తారు. దీనిని ప్రతిరోజూ ఆహారంలో తీసుకుంటే ఆరోగ్యానికి ఎంతో మంచిది. ఉడకబెట్టిన మెంతికూర ఆకులు అజీర్ణాన్ని పోగొడతాయి. మందంగా ఉన్న కాలేయాన్ని చురుకుగా పనిచేయిస్తాయి. రక్తహీనతను నివారిస్తాయి. శ్వాసక్రియలోని అవరోధాలు సరిచేస్తాయి. రక్తంలో చక్కెరను నియంత్రించడంలో కీలకమవుతాయి. అంతేకాదు.. మెంతికూరలో క్యాల్షియం, ఇనుము, ఫాస్పరస్‌తో పాటు ప్రోటీన్లు కూడా సమృద్ధిగా ఉంటాయి. ఇవి ఆకలిని పుట్టిస్తాయి. కీళ్ళ నొప్పులను నయం చేయడంతోపాటు మెదడు ప్రశాంతంగా వుండేలా చేస్తాయి.

ఇక తీగబచ్చలి కూరలోలోనూ విటమిన్లు కె, ఎ, సి, బి2, బి6 తదితర ఆరోగ్య పోషకాలు ఉన్నాయి. వీటిలోని యాంటీ ఆక్సిడెంట్ గుణాలు ఫ్రీ రాడికల్స్ హానికరమైన ప్రభావం నుంచి శరీరాన్ని కాపాడుతాయి. ఇది ఆరోగ్యానికి ఎంతో మంచిదని ఆరోగ్య నిపుణులు అంటున్నారు.