కడుపునొప్పి నుంచి ఉపశమనం కలిగించే ఉత్తమ చిట్కాలు...

Posted: 03/28/2015 07:39 PM IST

సాధారణంగా ప్రతిఒక్కరూ ఎప్పుడోసారి కడుపునొప్పి సమస్యకు గురై వుంటారు. అజీర్ణం, అతిసారం వంటి సమస్యలతో ఇది వస్తుంది. కొన్ని సందర్భాల్లో ఈ నొప్పి కొద్దిసేపటిలోనే తగ్గిపోతుంది. కానీ కొన్నిసార్లు ఇది విపరీతంగా బాధిస్తుంది. అలాంటి సందర్భాల్లో దీనిని నిర్లక్ష్యం చేస్తే.. ఆరోగ్యపరంగా ఎన్నో ఇబ్బందులను ఎదుర్కోవాల్సి వస్తుంది. కాబట్టి.. ఈ సమస్య నుంచి తక్షణమే ఉపశమనం పొందాలంటే అందుకు కొన్ని ఉత్తమమైన చిట్కాలు అందుబాటులో వున్నాయి. అవేమిటో తెలుసుకుందాం...

1. పుదీనా : ఇది కడుపునొప్పి నుంచి తక్షణమే ఉపశమనం కలిగించడంతో ప్రముఖపాత్ర వహిస్తుంది. ఇందులో పోషక విలువలు అధిక సంఖ్యలో వుంటాయి. అవి.. కడుపునొప్పి కారణాలతో పోరాడి, దాన్నుంచి ఉపశమనం కలిగిస్తుంది. ఈ పుదీనా ఆకులను శుభ్రంగా కడిగి, నేరుగా నోట్లో వేసుకుని నమిలి మింగొచ్చు. లేదా ఈ ఆకులతో టీ చేసుకుని తాగితే.. ఫలితం పొందవచ్చు.

2. అలోవెరా జ్యూస్ : ఇది ఆరోగ్యపరంగా ఎన్నోవిధాలుగా ఉపయోగపడుతుంది. ఇందులో అనేక ఔషధగుణగణాలున్నాయి. శరీరంలోని హానికారక క్రిముల నుంచి పోరాడి అనారోగ్య సమస్యల నుంచి దూరంగా వుంచుతుంది. ఒక కప్పు అలోవెరా జ్యూస్ తీసుకుంటే.. పొట్ట, ప్రేగు సంబంధిత సమస్యలను నివారిస్తుంది. కడుపు ఉబ్బరం, గ్యాస్, మలబద్దకం, కడుపులో తిమ్మెర్లను నివారించడంలో అద్భుతంగా సహాయపడుతుంది.

3.  లెమన్ వాటర్ : లెమన్ జ్యూస్ లో కాస్త గోరువెచ్చని నీరు కలుపుకుని తాగితే.. కడుపు నొప్పి నుండి తక్షణ ఉపశమనం కలుగుతుంది. ఒక గ్లాసు వేడి నీటిలో నిమ్మరసం పిండి, కొద్దిగా తేనె వేసి బాగా మిక్స్ చేయాలి. ఈ మిశ్రమాన్ని తీసుకుంటే.. ఫలితాన్ని పొందవచ్చు.

4. బేకింగ్ సోడా : ఇది హార్ట్ బర్న్, అజీర్తిని నివారించడంలో కీలకపాత్ర పోషిస్తుంది. అలాగే కడుపు నొప్పిని నివారించడంలో అద్భుతంగా సహాయపడుతుంది. ఒక గ్లాస్ గోరువెచ్చని నీటిలో కాస్త బేకింగ్ సోడా వేసి బాగా మిక్స్ చేసి త్రాగడం వల్ల వెంటనే మంచి ఫలితం ఉంటుంది.

5. అల్లం : ఇందులో యాంటీ ఇన్ఫ్లమేటరీతోపాటు కొన్ని యాంటీబ్యాక్టీరియల్ లక్షణాల వుంటాయి. ఇవి అజీర్తిని తగ్గించి, కడుపునొప్పిని నివారిస్తాయి. ఎండిన అల్లంకంటే, తాజాగా ఉన్నది చాలా ఎఫెక్టివ్ గా పనిచేసి, కడుపు నొప్పి నుండి ఉపశమనం కలిగిస్తుంది. తాజాగా ఉండే అల్లంను టీ చేసుకొని తాగితే మంచి ఫలితం ఉంటుంది.