పాప్ కార్న్ తింటున్నారా..? అయితే జాగ్రత్త!

Posted: 03/25/2015 09:12 PM IST

సాధారణంగా ప్రతిఒక్కరు పాప్ కార్న్ తింటారు. టైంపాస్ కోసం, స్నాక్స్ సమయంలో వీటిని తీసుకుంటారు. అలాగే.. సినిమాలకు వెళ్లినప్పుడు ఇంటర్వెల్ సమయంలో దీన్ని ఖచ్చితంగా తీసుకుంటారు. అయితే.. ఈ పాప్ కార్న్ ని అధికంగా తింటే ప్రాణాంతకమైన వ్యాధి ‘క్యాన్సర్’ సోకే ప్రమాదముందని ఆరోగ్య నిపుణులు అంటున్నారు. మైక్రోవేవ్‌తో ఈజీగా చేసే ఈ పాప్ కార్న్ లో పర్‌ఫ్లూరోక్టానోనిక్ ఆసిడ్ (పీఎఫ్ఓఏ) ఎక్కువగా వుంటుందని.. అది మహిళలకు ఎక్కువ ఇబ్బందులు తెచ్చిపెడుతుందని వారంటున్నారు.

మహిళల్లో కిడ్నీ, బ్లాడర్‌ను సంరక్షించాలంటే పాప్ కార్న్‌ను మితంగా తినడం లేదా అస్సలు తీసుకోకపోవడమే మంచిదని నిపుణులు సలహాలు ఇస్తున్నారు. అయితే... వీటిని అమితంగా ఇష్టపడేవారు అంత తేలిగ్గా తినడం మానరు కాబట్టి.. మైక్రో వేవ్‌లో తయారు చేసినవి కాకుండా మొక్కజొన్నను అలాగే తీసుకోవడం ఆరోగ్యానికి చాలామంచిదని వైద్యులు సూచిస్తున్నారు. ముఖ్యంగా ఉద్యోగులు పాప్ కార్న్ తీసుకోవడం అలవాటుగా పెట్టుకున్నారని.. పాప్ కార్న్‌కు అలవాటైతే లంగ్ క్యాన్సర్ తప్పదంటూ వాళ్లు హెచ్చరిస్తున్నారు.

అలాగే సోడియంతోపాటు అధికంగా నూనెలో వేపిన స్నాక్స్ అంటే పొటాటో చిప్స్ లాంటివి తీసుకుంటే అధిక కెలోరీల కారణంగా బరువు పెరుగుతారు. అంతేగాకుండ పొటాటో చిప్స్ అధికంగా తీసుకోవడం ద్వారా గుండె సంబంధిత వ్యాధులతో పాటు ఆరోగ్య సమస్యలు తప్పవని వైద్యులు హెచ్చరిస్తున్నారు. కాబట్టి.. అటువంటి స్నాక్స్ ను తీసుకోవడం చాలావరకు తగ్గిస్తే.. ఆరోగ్యంగా వుండవచ్చునని వైద్యులు సలహాలు ఇస్తున్నారు.