స్మార్ట్ ఫోన్ ప్రియులకు చౌకధరలో ఎరా హెచ్ డి ఫోన్..!

Posted: 11/07/2015 04:24 PM IST

స్మార్ట్ ఫోన్ ప్రియుల కోసం క్సోలో సంస్థ నుంచి మరో చౌకధర ఫోన్: అందుబాటులోకి వచ్చింది. భారత విఫణిలోకి ప్రవేశపెట్టిన ఈ స్మార్ట్ ఫోన్ ధర ఐదు వేల లోపే వుండటం అభిమానులకు ఆసక్తి రేపుతోంది. ఎరా హెచ్ డి పేరిట విడుదలైన ఈ స్మార్ ఫోన్.లో ఆకర్షణీయమైన ఫీచర్లు వున్నాయి. 'ఏరా హెచ్డీ' పేరిట క్సోలో దీన్ని విడుదల చేసింది. అయితే ఈ స్మార్ట్ ఫోన్ విక్రయాలను ఈ కామెర్స్ ద్వారానే అందుబాటులోకి తీసుకువచ్చింది.

'గాడ్జెట్స్ 360' ద్వారా ఆన్ లైన్ మాధ్యమంగా దీన్ని పొందవచ్చు. 5 అంగుళాల స్క్రీన్, 720/1280 హై డెఫినిషన్ పిక్చర్, ఆండ్రాయిడ్ లాలీపాప్ 5.1 ఆపరేటింగ్ సిస్టమ్, వెనుకవైపు 8 ఎంపీ, ముందు 5 ఎంపీ కెమెరాలు, 1.2 జీహెచ్ క్వాడ్ కోర్ ప్రాసెసర్, 8 గిగాబైట్ల మెమొరీ తదితర ఫీచర్లను సంస్థ ఈ ఫోన్ లో పోందుపర్చింది. కాగా ఈ ఫోన్ ధర రూ. 4,777 మాత్రమేనని సంస్థ వెల్లడించింది. ఇందులోని బ్యాటరీ 556 గంటల స్టాండ్ బై సామర్థ్యాన్ని కలిగివుంటుందని క్సోలో పేర్కొంది.

జి. మనోహర్