సీ ఫుడ్ లలో చాలారకాల వంటకాలు మనకు అందుబాటులో వున్నాయి. అయితే ఈ సీ ఫుడ్ లలో ప్రతిఒక్కరు ఎంతో ఇష్టంగా తీసుకునే ఆహారపదార్థం ఫిష్ ఫ్రై. పిష్ ఫ్రై ఎంతో క్రిస్పీగా, టేస్టీగా, రుచికరంగా వుంటుంది. సాధారణంగా ఈ ఫిష్ ఫ్రై ఎక్కువగా రెస్టారెంట్లలో, హోటళ్లలోనే తయారుచేస్తారు.
సీ ఫుడ్ లలో ఈ ఫిష్ ఫ్రై ఎంతో ప్రత్యేకమైంది కూడా. ఎందుకంటే.. ఇందులో వుండే పోషకపదార్థాలు మెదడును ఉత్తేజితం చేసి, ప్రతిఒక్క పనిలో చురుకుగా పాల్గొనేందుకు సహాయపడుతుంది. అంతేకాకుండా.. మన శరీరంలో వుండే ఎముకలను గట్టిగా, దృఢంగా వుంచడంలో తమదైన పాత్రను పోషిస్తుంది.
ఫిష్ లో వుండే ఒమేగా 3 ప్యాటీ ఆసిడ్స్ మన శరీరానికి శక్తిని అందిస్తాయి. ఫలితంగా వ్యాధి నిరోధక శక్తికూడా పెరుగుతుంది. ఇందులో మనకు కావాల్సిన విటమిన్లు కూడా ఎంతో పుష్కలంగా లభిస్తాయి. అంటే.. ఇది కేవలం రుచికరమైందే కాకుండా.. మన శరీర ఆరోగ్యానికి కూడా ఎంతో తోడ్పడుతుంది.
ఇంత ఆరోగ్యకరమైన ఫిష్ ప్రైని తయారుచేసే విధానం కూడా చాలా సులభం.
కావలసిన పదార్థాలు :
ఫిష్ (8 ముక్కలు); నిమ్మరసం (2 టేబుల్ స్పూన్స్); కరివేపాకు (సరిపడేంత);
ఎండుమిర్చి (5); జీలకర్ర (1 టేబుల్ స్పూన్); పచ్చిమిర్చి (4);
గసగసాలు (1 టేబుల్ స్పూన్); వాము (చిటికెడు); వెల్లుల్లి (5);
అల్లం (1/2 అంగుళం); రవ్వ (1 కప్); నూనె (3 టేబుల్ స్పూన్స్); ఉప్పు (సరిపడేంత).
తయారుచేసే విధానం :
1. మొదటగా తీసుకున్న చేపలను సమానంగా కట్ చేసుకుని, నీటితో శుభ్రం చేసుకోవాలి. తేమ ఆరిన తర్వాత వాటిని ఉప్పు, నిమ్మరసం మిక్స్ చేసిన మిశ్రమాన్ని పట్టించి, ఒక పక్కన పెట్టుకోవాలి.
2. ముందుగా మనం వెల్లుల్లి పేస్ట్ ను తయారుచేసుకుని వుంచుకోవాలి. అలాగే ఎండుమిర్చి, పచ్చిమిర్చి, అల్లం, వెల్లుల్లి పేస్ట్, గసగసాలు, జీలకర్ర, ధనియాలను కలిపి మెత్తగా పేస్ట్ లా చేసుకోవాలి.
3. పై విధంగా తయారుచేసుకున్న మసాలా పేస్ట్ ను, ఇంతకుముందు పక్కన పెట్టుకున్న చేపలకు అన్నివైపులా బాగా పట్టించాలి. అలా అన్నింటిని పట్టించి, 10 లేదా 15 నిముషాల వరకు పక్కన పెట్టుకోవాలి.
4. ఫ్లాట్ గా వుండే పాన్ ను తీసుకుని, స్టౌ మీద పెట్టి, అందులో కొంచెం నూనెను వేసి వేడిచేసుకోవాలి. అందులో కొంచెం అజ్వైన్, కరివేపాకును వేసి కొద్దిసేపు వరకు వేయించాలి.
5. ఇదిలా చేస్తుండగా... మరోపక్క చేపముక్కలను రవ్వలో బాగా అర్లించి అన్నివైపులా అంటుకొనేలా చేయాలి.
6. ఇలా చేసిన చేప ముక్కలను వేడి చేసిన నూనెలో వేసి మరికొద్దిసేపు వరకు బాగా వేయించాలి.
7. బ్రౌన్ కలర్ వచ్చేంతవరకు బాగా వేడి చేసి, తర్వాత వాటిని ఒక ప్లేట్ లో పక్కన తీసేసుకోవాలి.
ఈ విధంగా హోమ్ మేడ్ అయిన రవ్వ ఫిష్ ను అతి తక్కువ కాలంలోనే తయారుచేసుకుని ఇంట్లో సర్వ్ చేసుకుని తినొచ్చు.
(And get your daily news straight to your inbox)
Nov 05 | మాంసాహారప్రియులు ఎంతో ఇష్టంగా తీసుకునే చికెన్ తో ఎన్నోరకాల వంటకాలు చేసుకోవచ్చు. ముఖ్యంగా వీకెండ్ సమయాల్లో డిఫరెంట్ ఫుడ్స్ తీసుకోవడానికి ప్రతిఒక్కరు ఇష్టపడతారు. ఇక చికెన్ తో తయారుచేసే వివిధ వంటకాల్లో చికెన్ గారెలు... Read more
Oct 08 | వీకెండ్ వచ్చిందంటే చాలు.. ప్రతిఒక్కరు రుచికరమైన వెరైటీ వంటకాల్ని తీసుకోవడానికే ఇష్టపడతారు. అలాంటి ప్రత్యేకమైన వంటకాల్లో చికెన్ లాలీపాప్స్ ఒకటి. ఎంతో రుచికరంగా వుండే ఈ రిసిపీని తీసుకోవడానికి చిన్నపిల్లల నుంచి పెద్దలవరకు ఎంతో... Read more
Sep 18 | వీకెండ్ వచ్చిందంటే చాలు.. ప్రతిఒక్కరు ఎంతో ఉల్లాసంగా, ఉత్సాహంగా వుంటారు. ఆ ఉత్సాహాన్ని మరింత రెట్టింపు చేయాలంటే ఆ వీకెండ్ లో ఏదైనా స్పెషల్ రెసిపీ వుండాల్సిందే! అప్పుడు దాని మజాయే వేరుగా వుంటుంది.... Read more
Sep 08 | బియ్యపు పిండితో తయారయ్యే వేడివేడి వడలు కేరళలో ఎంతో స్పెషల్ రెసిపీ. ఇవి కూడా సాధారణ గారెలలాగే వుంటాయి కానీ.. మరింత క్రిస్పీగా, టేస్టీగా వుంటాయి. ఈ వడలతో ఆరోగ్య ప్రయోజనం కూడా వుంది.... Read more
Aug 27 | మాంసాహారులు ఎంతో ఇష్టంగా తినే చికెన్ తో రకరకాల వంటకాలు తయారుచేసుకోవచ్చు. చికెన్ పకోడీలు, బిర్యానీ, ఇంకా నోరూరించే స్పెషల్ వంటకాలు ఎన్నో వున్నాయి. పైగా.. ఈ చికెన్ తింటే ఆరోగ్యానికి ఎంతో మేలు.... Read more