వ్యాధి నిరోధక శక్తిని పెంచే ఔషధాలు...

Posted: 03/04/2015 06:22 PM IST

మహిళలు నిత్యం ఇంటి కార్యకలాపాలతోపాటు ఆఫీసు పనులను నిర్వర్తించుకోవడం వల్ల ఎక్కువగా అలసిపోతారు. ఉదయం ఎంత హుషారుగా వుంటారో సాయంత్రానికి అంతకంటే ఎక్కువగానే నీరసించిపోతారు. అంటే.. వారి శరీరంలో వ్యాధినిరోధక శక్తి క్రమక్రమంగా తగ్గుతూ వస్తుంటుందన్నమాట! అలాంటప్పుడు పోషక విలువలతో కూడిన ఆరోగ్యకరమైన ఆహారాలను తీసుకుంటే ఆ శక్తిని పెంచుకోవచ్చు. వీటికంటే.. తేనె, దాల్చిన చెక్క ఇంకా అద్భుతంగా పనిచేస్తాయి. ఈ రెండింటి కాంబినేషన్ తో రెమెడీ చేసుకుని తాగితే వ్యాధినిరోధక శక్తి పెరుగుతుందని నిపుణులు వెల్లడిస్తున్నారు.

తేనె, దాల్చిన చెక్కలో వివిధ రకాల విటమిన్స్, ఐరన్ పుష్కలంగా వుంటాయని పరిశోధనల్లో తేలింది. ఇవి శరీరంలో వ్యాధినిరోధక శక్తిని పెంచడంలో ఎంతో కీలకంగా తోడ్పడుతాయని నిపుణులు తెలుపుతున్నారు. అంతేకాదు.. శరీరాన్ని బ్యాక్టీరియా, వైరల్ అటాక్స్ నుంచి అవి రక్షణ కల్పిస్తాయని వారు చెబుతున్నారు. కాబట్టి.. సమయానుకూలంగా తేనె, చెక్కతో తయారచేసిన రెమెడీ తీసుకుంటే ఆరోగ్యానికి ఎంతో శ్రేయస్కరం! మరి.. ఆ రెండింటి కాంబినేషన్ తో ఆ రెమెడీని ఎలా చేస్తారో తెలుసుకుందాం...

దాల్చిన చెక్క, తేనె మిశ్రమంలో ఒక గ్లాసు గోరువెచ్చని నీళ్లు పోసి బాగా మిక్స్ చేసుకోవాలి. ఈ మిశ్రమాన్ని ఉదయాన్నే బ్రేక్ ఫాస్ట్ తీసుకోవడానికి ఒక గంట ముందు తీసుకోవాలి. ఇలా ప్రతిరోజూ తీసుకుంటే మంచి ఫలితం వుంటుంది. అలాగే.. రాత్రి పడుకోవడానికి ముందు కూడా ఈ మిశ్రమాన్ని తీసుకుంటే బరువు తగ్గుతారని ఆరోగ్య నిపుణులు సూచిస్తున్నారు.