కమ్యూనికేషన్.. అంటే కొత్తవ్యక్యులుతో, బంధువులతో సాన్నిహిత్యంగా కలిసి వుండడం. చాలామందిలో ఈ కమ్యూనికేషన్ స్కిల్స్ చాలా తక్కువగా వుంటాయి. ఇతరులతో తమనుతామ వ్యక్తపరుచుకోవడంలోను, సాన్నిహిత్యంతో కలిసి వుండడంలోను వీరు వైఫల్యం చెందుతారు. దీంతో ఇతరులకు మనమీదున్న గౌరవప్రభావం దూరమవుతుంది. ఏ ఒక్కరితోను స్నేహాపూర్వకంగా మెలగడం ఇష్టపడరు.  

ప్రస్తుతమున్న కాలంలో ఈ కమ్యూనికేషన్ స్కిల్ ఎంతో ముఖ్యమైనది. ఉద్యోగస్తులైన భార్యాభర్తల మధ్య దీని ప్రాధాన్యత ఎంతో వుంది. ఈ స్కిల్స్ భార్యాభర్తల మధ్య లేకపోతే.. వారిమధ్య తగాదాలు, అనుమానాలు చివరికి విడిపోవడానికి కూడా దారితీస్తాయి. కొందరు జంటలయితే ఒకరినొకరు అర్థం చేసుకోక ఆత్మహత్యలకు కూడా పాల్పడిపోతున్నారు. అందులో ముఖ్యంగా ఉద్యోగస్తుల జాబితా చాలా ఎక్కువ. 

ఉద్యోగస్తులైన భార్యాభర్తలు చాలాసమయం ఆఫీసు పనుల్లోనే ఎక్కువ నిమగ్నమై వుంటారు కనుక వారిమధ్య సాన్నిహిత్యం తగ్గుతూ వుంటుంది. ఒకరినొకరు స్నేహాపూర్వకంగా, సాన్నిహిత్యంగా మెలగడం తక్కువయిపోతుంది. అంతేకాదు.. పని ఒత్తిడి వల్ల ఒకరినొకరు అర్థం చేసుకోక తరుచూ గొడవలు పడుతుంటారు. 

అటువంటి సమయాల్లో ఎవరైనా ఒకరు తమ సమయాన్ని సాన్నిహిత్యంగా వుండేందుకు కేటాయించాలి. వారానికి ఒకసారైనా మొత్తం సమయం కేటాయించుకోవాలి. అప్పుడే వారిమధ్య వున్న సంబంధం బలపడుతుంది. 

ఇంకా వారిమధ్య సంబంధం బలపడడానికి నిపుణులు మనకు కొన్ని సూచనలు ఇస్తున్నారు. అవేమిటంటే... 

1. ఇద్దరు కలుసుకున్న సమయంలో ఒకేసారి ఎవరైనా ఒకరు తమ భాగస్వామి చెప్పే మాటలను వినిపంచుకోవాలి. పనిఒత్తిడివల్ల కోపగ్రస్తులు కాకుండా, ఎవరైనా ఒకరు తమ కోపాన్ని దాచి, స్నేహంగా మెలగేలా వుండాలి. వారు చెప్పిన మాటలు వింటూ దానికి తగిన విధంగా సున్నితంగా జవాబులు ఇవ్వాలి. చాలామంది ఉద్యోగస్తులు ఒత్తిడికి గురైనప్పుడు తమ భావాలను ఎక్స్ ప్రెషన్ ద్వారా వ్యక్తపరుచుకుంటారు. 

2. మీరు మీ భాగస్వామితో కమ్యూనికేషన్ పెంచుకోవాలంటే వారితో నిజాయితీగా వుండాలి. ఒకరిమధ్య ఒకరు ఎటువంటి రహస్యాలు దాచిపెట్టకుండా ఓపెన్ గా వుండాలి. వారితో అబద్ధం చెప్పకుండా జరిగిన విషయాలను ఓపిగ్గా వివరించాలి. 

3. భార్యకు భర్తమీద, భర్తకు భార్యమీద మర్యాద వుండడం చాలా అవసరం. ఇద్దరిలో ఎవరో ఒకరు తమ మీద ప్రేమ చూపించడంలేదని, మాట్లాడుకోవడం లేదని నిర్లక్ష్యం చేస్తే.. అది మీ వైవాహిక జీవితానికే ప్రమాదం చేకూర్చవచ్చు. ఒకరివల్ల జరిగిన తప్పును ఇంకొకరు సమర్థించుకోవాలి. ప్రతిచిన్న విషయంలోనూ ఒకరికి ఇంకొకరు సపోర్టివ్ గా వుండాలి. అప్పుడే ఇద్దరి మధ్య మర్యాదపూర్వకమైన బంధం ఏర్పడుతుంది.