సరసాలాడటం ఆరోగ్యానికి శ్రేయస్కరం!

Posted: 03/06/2014 05:50 PM IST

చాలా ఫాస్ట్ జనరేషన్, పోటీ ప్రపంచంతో కూడిన ప్రస్తుతకాలంలో ప్రతి ఒక్కరూ ఏదో ఒక ఒత్తిడికి గురవుతుంటారని నిపుణులు తమ పరిశోధనల ద్వారా వెల్లడిచేశారు. ఈ ఒత్తిడి ప్రభావం వల్ల వారు మానసిక స్థితి దెబ్బతినడమే కాకుండా ఎక్కువ డిప్రెషన్ కు లోనవుతారు. దీంతో వారు ఇతరులతో సంబంధాలు పెట్టుకోవడం గాని, నలుగురిలో కలవడంగాని చాలా తక్కువయిపోతుంది. 

అలాకాకుండా మనం ఫ్రూట్ ఫుల్ గా, విజయవంతంగా జీవించాలంటే నలుగురిని మెప్పించేలాగా వుండాలి. రోజువారి పనులలో కొంతమేరకైనా మార్పు తీసుకుని రావాలి. అప్పుడప్పుడు జీవితంలో వినోదం అనేది చాలా అవసరం అంటున్నారు నిపుణులు. చాలావరకు మనం వినోదాన్ని మన పార్ట్ నర్ తో పొందుతాం అని కూడా సలహాలు ఇస్తున్నారు. 

అదేలా అంటే.. మనం మన పార్ట్ నర్ తో సంతోసంగా, సరసంగా గడిపితే మనలో వుండే తెల్లరక్తకణాలు ఎక్కువ సంఖ్యలో ఉత్తేజితమవుతాయని శాస్త్రవేత్తలు కొన్ని అధ్యయనాల ద్వారా తెలుపుతున్నారు. దీంతో మన శరీరంలో వుండే వ్యాధినిరోధక శక్తి పెరిగడంతోపాటు ఆరోగ్యంగా వుండొచ్చు. మన మెదడు కూడా చురుకుగా పనిచేస్తుంది. 

ఇలా రిలేషన్ షిప్ లో సరసాలాడటం వల్ల ఆరోగ్యకరం ఎందుకన్న దానిపై శాస్త్రజ్ఞులు ఈవిధంగా వివరిస్తున్నారు. 

సరసం అనేది ఒక మంచి అనుభూతి. ఇది చాలావరకు పాజిటివ్ ఎనర్జీని సమకూరుస్తుంది. ఫలితంగా సంతోషంగా వుండొచ్చు. అంతేగాక సంతోషానికి కారణమయ్యే ఎండోఫిర్మిన అనే రసాయనం విడుదలవ్వడం వల్ల మరింత సంతోషంగా వుండొచ్చని పేర్కొంటున్నారు. 

రిలేషన్ షిప్ లో సరసాలాడుకోవడం వల్ల మొదటిరోజుల్లో వారు పంచుకున్న ఆనందాన్ని గుర్తుకు చేసుకుంటారు. దీంతో వారిద్దరి మధ్య కోరికలు పెరుగుతాయి. ఇది వారిద్దరి మధ్య దూరాన్ని తగ్గించి, మరింత దగ్గర చేస్తాయి. 

భావోద్వేగాలకు గురయినప్పుడు సరసాలు చేయడం వల్ల.. అందులోనుంచి బయటకు రాగలుతారు. దీంతోవారు విశ్రాంతి పొందడమే కాకుండా, పార్ట్ నర్ తో సంతోషంగా వుంటారు. 

కొందరు జంటలు చాలాకాలం కలిసి వుండడాన్ని బోరింగ్ గా ఫీల్ అవుతారు. వారి సంబంధం మధ్య దూరం పెరగడం మొదలవుతుంది. అటువంటి సమయాల్లో పార్ట్ నర్స్ తో సరసాలాడడం వల్ల ఒకరిమీద ఇంకొకరికి స్నేహాభావం పెరుగుతుంది. ఫలితంగా వారు కలిసి, ఆరోగ్యంగా జీవితాన్ని గడపవచ్చు. 

ముఖ్యమైన విషయం ఏమిటంటే.. సరసాలు ఆడటం వల్ల శరీరంలో డోపమైన్, సెరోటోనిన్, ఆడ్నినాలిన్ అనే రసాయనాలను విడుదల చేయడంలో ప్రముఖపాత్ర వహిస్తుంది. ఇది మనలో నమ్మకం, విశ్వాసం, సంతోషంగా, ఆహ్లాదకరంగా వుండేందుకు సహాయపడుతాయి.