క్రికెట్ ని వదిలి ఫుట్ బాల్ పై పడ్డారు

Posted: 04/14/2014 01:09 PM IST

ఒకప్పుడు వీరిద్దరు భారత క్రికెట్ లో నంబర్ వన్. ఆటగాళ్ళుగా, కెప్టెన్లుగా సమర్ధవంతగా తన విధుల్ని నిర్వర్తించి రెండు దశాబ్దాల పాటు క్రికెట్ ఏలిన వారిద్దరు ఆ ఆటకు గుడ్ బై చెప్పి ఇప్పుడు ఫుట్ బాల్ ఆట పై కన్నేశాడు. వారిద్దరే సచిన్, సౌరవ్ గంగూలీ. క్రికెట్ లో ఐపీఎల్, బ్యాడ్మింటన్ లో ఐబీఎల్ లాగా పుల్ బాల్ లో ఐఎస్ఎల్ (ఇండియన్ సూపర్ లీగ్ ) జట్లను దక్కించుకొని, వాటికి యాజమానులుగా మారారు.

క్రికెట్ లో ఒకే జట్టుకు ఆడిన వీరిద్దరు ఇక పై తమ జట్ల కోసం ప్రత్యర్థులుగా మారబోతున్నారు. ఐఎంజీ- రియలన్స్ ఆధ్వర్యంలో జరిగే ఈ లీగ్ కి సంబంధించిన బిడ్డింగ్ వివరాలను, కొనుగోలు చేసిన జట్ల యాజమానుల పేర్లను వెల్లడించారు. కొచ్చి టీమ్‌ను  జట్టును సచిన్ పీవీపీ వెంచర్స్‌తో కలిసి దక్కించుకోగా, చిన్నప్పటి నుంచీ ఈ ఆటను అమితంగా ఆరాధించే మాజీ కెప్టెన్ సౌరవ్ గంగూలీ కోల్‌కతా జట్టుకు యజమానిగా మారాడు.

వ్యాపారవేత్త హర్షవర్థన్ నియోటియా, సంజీవ్ గోయెంకా, ఉత్సవ్ పరేఖ్‌లతో కలిసి దాదా కన్సార్టియంగా మారాడు. ఈ ఇద్దరే కాకుండా బాలీవుడ్ హీరోలు సల్మాన్ ఖాన్ పుణే.. రణ్‌బీర్ కపూర్ ముంబై, జాన్ అబ్రహమ్ గువాహటి జట్లను గెలుచుకున్నారు.

వీరంతా ఫ్రాంచైజీ ఫీజు కింద పదేళ్ల పాటు ఏడాదికి రూ. 10 నుంచి 15 కోట్లు చెల్లించాల్సి ఉంటుంది. సెప్టెంబర్-నవంబర్ మధ్యకాలంలో ఈ లీగ్ ఆయా నగరాల్లో జరుగుతుంది. మన ఇండియాలో ఫుట్ బాల్ కి అంతగా క్రేజ్ లేదు. మరి ఈలీగ్ తోనైనా దానికి వైభవం తీసుకొస్తారో లేదో చూడాలి.