క్రికెటర్ పై రేప్ కేసు విత్ డ్రా చేసుకున్న నటి

Posted: 03/11/2015 08:20 PM IST

Following heroic game actress dropped rape case on cricketer

ప్రపంచ కప్ టోర్నమెంటులో భాగంగా జరుగుతున్న క్రికెట్ మ్యాచ్ లో తమ దేశం తరుపున అతను ప్రదర్శించిన అద్బుత ప్రతిభ.. అతడిని స్వేచ్ఛా జీవుడిని చేసింది. అతని అద్బుత ప్రతిభకు మోకరిల్లిన ఓ నటి అతనిపై పెట్టిన కేసును విత్ డ్రా చేసుకుంది. అది కూడా అలాంటిలాంటి కేసు కాదు.. అత్యాచారం కేసు. నమ్మశక్యం కలగడం లేదు కదూ..? కానీ ఇది నిజం. ఇది జరిగింది మన పోరుగు దేశం బంగ్లాదేశ్ లో. ప్రపంచ కప్ జట్టులో భాగం పంచుకున్న రూబెల్ హోస్సేన్ ఇంగ్లాండ్ పై జరిగిన మ్యాచ్ లో తన అద్భుత ఆటతీరును ప్రదర్శించాడు. అంతే అతని బౌలింగ్ కు మంత్రముగ్దురాలైన నటి అతనిపై వేసిన కేసును ఉపసంహరించుకుంది.

వివరాల్లోకి వెళ్తే.. ప్రపంచ క్రికెట్ టోర్నమెంటుకు నటి నజ్నీన్ అక్తర్ హప్పీ పై అత్యాచారం కేసులో రూబెల్ హుస్సేన్ అరెస్టయ్యాడు. పెళ్లి చేసుకుంటానని నమ్మించి ఈ అఘాయిత్యానికి పాల్పడ్డాడంటూ బంగ్లాకు చెందిన చెందిన 19ఏళ్ల నటి నజ్నీన్ అక్టర్ హప్పీ అతడిపై ఈ కేసు పెట్టింది. అయితే ప్రపంచ కప్ క్వార్టర్స్ కు చేరి తమ క్రికెట్ చరిత్రలోనే అతి పెద్ద ఫీట్కు కారణమైన రూబెల్పై ఆమె తన కోపాన్ని చల్లార్చుకుంది. అతడిని క్షమించేస్తున్నట్లు ప్రకటించి... వెంటనే రేప్ కేసును వెనక్కి తీసుకుంది. 'ఇప్పుడు రూబెల్కు వ్యతిరేకంగా నేను ఎలాంటి ఆధారాన్ని సాక్ష్యాన్ని ఇవ్వను. దీంతో అతడిపై ఇక ఏ కేసూ ఉండదు' అని హప్పీ స్పష్టం చేసింది. అయితే అంతకుముందు... రూబెల్స్పై ప్రపంచకప్లో ఎలాంటి ఒత్తిడి లేకుండా ఉండాలని కోరుకుంటున్నట్టు హప్పీ లాయర్ ఆమెతో స్పష్టం చేశారు. దీంతో తను కూడా కేసుపై పునరాలోచించింది.

జి మనోహర్