పసికూనలపై గెలుపుకు చమటోడ్చిన శ్రీలంక

Posted: 02/22/2015 05:27 PM IST

ప్రపంచ క్రికెట్ టార్నమెంట్ ప్రారంభమైనప్పటి నుంచి ఫామ్ కోల్పోయి ఇబ్బందులు పడుతున్న శ్రీలంక ఇవాళ జరిగిన మరో మ్యాచ్ లో పసికూనలపై గెలుపుకు చమటోడ్చాల్సి వచ్చింది. న్యూజీలాండ్ చేతిలో ఘోర పరాజయాన్ని చవిచూసిన శ్రీలంక.. దాని నుంచి కోలుకునేందుకు అధికంగానే శ్రమించింది. శ్రీలంక జట్టులో జయవర్ధనే సెంచరీకి తోడు మ్యాథ్యూస్, పెరీరా రాణించడంతో  ఇంకా పది బంతులు మిగిలి ఉండగానే విజయలక్ష్యాన్ని ఛేదించింది.

ఆఫ్ఘన్ బౌలర్లలో హమిద్ హసన్ 3 వికెట్లు, దౌలత్, షాపూర్ ఒక్కో వికెట్ తీశారు. 50 పరుగులకే నలుగురు కీలకమైన ఆటగాళ్లు పెవిలియన్ చేరడంతో కష్టాల్లోపడ్డ లంకను జయవర్ధనే సెంచరీతో ఆదుకున్నాడు. అంతకు ముందు బ్యాటింగ్ చేసిన ఆఫ్ఘన్ టీం 49.4 ఓవర్లలో 232 పరుగులకు ఆలౌటైంది అస్గర్ ఆఫ్ సెంచరీ చేయగా, షమీఉల్లా 38, అశ్రాఫ్ 28 పరుగులు చేశారు. మ్యాథ్యూస్, మలింగ చెరో మూడు వికెట్లు, లక్కల్ రెండు, పెరీరా, హెరాత్ చెరో వికెట్ తీశారు. బాధ్యతాయుత ఇన్నింగ్స్ తో లంకకు విజయాన్నందించిన జయవర్ధనేకే మ్యాన్ ఆఫ్ ది మ్యాచ్ అవార్డు దక్కింది.

జి. మనోహర్