షరపోవా తప్పుకుంది

Posted: 08/22/2013 07:56 PM IST

త్వరలో ప్రారంభం కానున్న యూఎస్ ఓపెన్ టెన్నిస్ టోర్నీ నుండి ప్రపంచ టాప్ మూడో సీడ్ క్రీడాకారిణి మరియా షరపోవా భుజం గాయం కారణంగా టోర్నీ నుండి తప్పుకుంటున్నట్లు తెలిపింది. ఈ విషయాన్ని యూఎస్ ఓపెన్ టోర్నమెంటు డైరెక్టర్ డేవిడ్ బ్రీవర్ మీడియాకు తెలిపారు. ఈ సంవత్సరం క్యాలెండర్ లో చివరి టోర్నీకి సంబంధించి డ్రాలు తీసే కార్యక్రమానికి ముందు ఈ విషయాన్ని ప్రకటించాడు. షరపోవా త్వరగా కోలుకోవాలని బ్రీవర్ అన్నాడు. షరపోవా తప్పుకోవడంతో పోలాండ్ కు చెందిన అగ్నియోజ్కా రాండ్వాన్ స్కా మూడో సీడ్ గా యూఎస్ ఓపెన్ బరిలోకి దిగనుంది. ఈమె తప్పుకోవడంతో కొంత మంది ఆటగాళ్ళకు కాస్త ఉపశమనమే అని చెప్పవచ్చు.