మాజీ క్రికెటర్ మళ్ళీ పెళ్ళి చేసుకున్నాడు

Posted: 08/22/2013 07:42 PM IST

క్రికెటర్లు ఎప్పుడు ఎవరితో ప్రేమలో పడతారో తెలియదు. ఇప్పటి వరకు క్రికెట్ దిగ్గజాలు చాలా మందే ప్రేమలో ముగిని తేలారు. అందులో ప్రముఖంగా వినిపించే పేరు షేన్ వార్న్, అజహరుద్దీన్. ఇప్పుడు వారి జాబితాలో పాకిస్థాన్ ప్రముఖ క్రికెటర్, మాజీ కెప్టెన్ వసీమ్ అక్రమ్ వచ్చి చేరాడు. వసీం మొదటి భార్య హుమా అనారోగ్యంతో 2009లో మృతి చెందింది. దీంతో అప్పటి నుండి ఇద్దరు పిల్లలతో ఒంటరిగా ఉంటున్న వసీం గత కొన్ని రోజుల క్రితం ఆస్ట్రేలియాకు చెందిన షనీరా థాంప్సన్ తో ప్రేమాయణం మొదలు పెట్టాడు. కొన్ని రోజులు నడిచిన ఈ ప్రేమాయణానికి తెర దించుతూ ఆమెను వివాహం చేసుకున్నాడు. లాహోర్‌లో నిరాడంబరంగా వారం క్రితం ఆస్ట్రేలియాకు చెందిన ప్రియురాలు షనీరా థాంప్సన్‌ వివాహం చేసుకున్నట్లు వెల్లడించాడు. వసీంను వివాహం చేసుకునేందుకు గాను ఆమె ఇస్లాం మతం స్వీకరించింది. వసీంకి , షనీరాకి 17 సంవత్సరాల వయసు వ్యత్యాసం ఉండటం విశేషం.