సచిన్ పై ఆపండి... మీడియాకు తాలిబన్ల హెచ్చరిక

Posted: 11/28/2013 04:30 PM IST

భారత క్రికెట్ దేవుడ్ మాస్టర్ బ్లాస్టర్ సచిన్ టెండూల్కర్ సుదీర్ఘ అంతర్జాతీయ క్రికెట్ కి ఇటీవలే గుడ్ బై చెప్పి ఎంచక్కా ఫ్యామిలీతో ఎంజాయ్ చేస్తున్న విషయం తెలిసిందే. సచిన్ వీడ్కోలు సందర్భంగా ఒక్క మన దేశానికి చెందిన మీడియానే కాకుండా ప్రపంచదేశాల మీడియా కూడా ఆయన పై పొగడ్తల వర్షం కురిపించడమే కాకుండా, ఆయన లేని క్రికెట్ ఊహించడం కష్టమే అంటూ రాసి తన అభిమానాన్ని చాటుకున్నాయి. పనిలో పనిగా పాకిస్థాన్ మీడియా కూడా సచిన్ పై పొగడ్తల వర్షం కురిపిస్తూ,  ప్రత్యేక కథనాలు ప్రచురిస్తూ వీడ్కోలు వరకు చాలా కవరేజ్ ఇచ్చాయి.

ఈ మెచ్చుకోలును చూసిన షేధిత ఉగ్రవాద సంస్థ తెహ్రీక్-ఇ-తాలిబన్ కి ఒళ్ళు మండినట్లుంది. అందుకే పాకిస్థాన్ మీడియాకు హెచ్చరికలు జారీ చేసింది కూడా. తాలిబన్ అధికార ప్రతినిధి షాహిదుల్లా షాహిద్ మీడియాతో మాట్లాడిన టేపులను విడుదల చేశారు. షాహిదుల్లా షాహిద్ మాట్లాడుతూ...

భారతదేశానికి చెందిన ఒక ఆటగాడు సచిన్ టెండూల్కర్ చిత్రాన్ని, ఆయనపై ప్రశంసలు చేస్తూ పాకిస్థాన్ మీడియా కథనాలు ప్రసారం చేయడం దురదృష్టకరమని, సచిన్ టెండూల్కర్ గొప్ప ఆటగాడే కావొచ్చు, కానీ అతడు భారతీయుడు అనే విషయాన్ని గుర్తుంచుకుని అతనిపై ప్రశంసలు కురిపించాల్సిన అవసరం లేదని చెప్పారు. పాకిస్థాన్ జట్టు కెప్టెన్ మిస్బా ఉల్ హక్‌పై విమర్శలు చేయడం దారుణమని తెలిపారు. సచిన్‌పై ప్రశంసల వర్షం కురిపించడంతో తాలిబన్ పాకిస్థాన్ మీడియాపై అక్కసును వెళ్లగడాన్ని చూస్తే పాక్ భారతీయుల్నీ ఎలా ట్రీట్ చేస్తున్నారో అర్థం అవుతుంది.