కాన్ఫూర్ వన్డేలో ఫీల్డింగ్ ఎంచుకున్న భారత్

Posted: 11/27/2013 10:32 AM IST

భారత్-వెస్టిండీస్ మూడు వన్డేల సిరీస్ లో భాగంగా నేడు కాన్పూర్ లో జరుగుతున్న చివరి డే మ్యాచ్ లో టాస్ గెలిచిన భారత్ క్రికెట్ జట్టు ఫీల్డింగ్ ఎంచుకుంది. ఇప్పటికే ఈ సిరీస్ లో 1-1 తో సమానంగా ఉన్న రెండు జట్లు ఎలాగైనా గెలిచి సిరీస్ ను సొంతం చేసుకోవాలనే పట్టుదలతో ఉండగా, ముఖ్యంగా వెస్టిండీస్ భారత పర్యటనలో ఒక్క టైటిల్ ని అయినా గెల్చుకోవాలనే కసితో  విశాఖపట్నం వన్డేలో అనూహ్యంగా పుంజుకొని టైటిల్ పై ఆశలు పెట్టుకుంది.

ఆస్ట్రేలియాలాంటి బలమైన జట్టు మీద సంచలనాత్మక స్కోర్లతో సిరీస్ గెలిచిన భారత జట్టు వెస్టిండీస్‌తో సిరీస్‌ కోసం తడబడటం కాస్త ఆశ్చర్యకరమే. ఇక బ్యాటింగ్ చేస్తున్న విస్టిండీస్ 20 పరుగుల వద్ద తొలి వికెట్ కోల్పోయింది. ఆ తరువాత వచ్చిన పావెల్ 70, శామ్యూల్స్ 71, డిఎం 51 (నాటౌట్), సిమ్మన్స్ 13, డీజె బ్రావో 4 సమి 37 (నాటౌట్ ) పరుగులు చేసి స్కోరును 263 చేసి, భారత్ కి 264 విజయ లక్ష్యాన్ని ఇచ్చారు.

విండీస్ జట్టు యాభై ఓవర్లు ఆడి కేవలం ఐదు వికెట్లు మాత్రమే కోల్పోయింది. భారత బౌలర్లలో రవిచంద్రన్ అశ్విన్ 2 వికెట్లు, భువనేశ్వర్ షమి, జడేజా తలో వికెట్ చేశారు. ఈ విజయ లక్ష్యాన్ని సునాయాసంగా చేధిస్తుందో లేదో కాసేపట్లో తేలిపోతుంది.