మ్యాచ్ పై తగ్గని అభిమానం

Posted: 06/14/2013 01:55 PM IST

ప్రతి భారత క్రికెట్ అభిమాని ఎప్పుడెప్పుడా అని ఎదురుచూసే భారత్ - పాకిస్థాన్ మ్యాచ్ రానే వచ్చింది. ఛాంపియన్స్ ట్రోఫీలో భాగంగా రేపు పాకిస్థాన్ - భారత్ మధ్య మ్యాచ్ జరగబోతుంది. అయితే ఇఫ్పటికే ఈ ట్రోఫీలో భారత్ అద్బుతమైన ప్రతిభతో సెమీ ఫైనల్ బెర్తును ఖాయం చేసుకోగా, పాకిస్థాన్ ఘోరమైన పరాజయాలతో ఇప్పటికే ఇంటి ముఖం పట్టింది. అయితే ఈ మ్యాచ్ అంత ఆసక్తిగా ఉండేదేమో అని అనుకున్నారు. కానీ కానీ ఈ రెండు దేశాల మధ్య మ్యాచ్ ఫలి తం... కప్ కంటే విలువైందనే విషయం అభిమానులు గుర్తు చేస్తున్నారు. 35 పౌండ్ల టిక్కెట్‌ను 100 పౌండ్లకు కూడా కొనేందుకు అభిమానులు వెనుకాడటం లేదు. రెండు రోజుల ముందే ఇలా ఉంటే మ్యాచ్ సమయానికి పరిస్థితి ఎలా మారుతుందనేది ఆసక్తికరం. ‘టోర్నీ మొదలైన రోజు నుంచి ప్రతి చోటా ఇదే చర్చ. బర్మింగ్‌హామ్‌లో భారత్, పాకిస్థాన్ నుంచి వచ్చిన స్టూడెంట్స్ సంఖ్య చాలా ఎక్కువ. ఇక్కడ స్థిరపడిన వారు కూడా భారీగానే ఉన్నారు. దీంతో ఈ రెండు దేశాల అభిమానులు కూడా టిక్కెట్ల కోసం ఎగబడుతున్నారు. కొందరు అయితే కప్ గెలవకున్నా కానీ పాకిస్థాన్ పై మ్యాచ్ గెలవాల్సిందేనని అంటున్నారు. అయితే అభిమానుల్లో ఉన్న క్రేజ్ కు వరణుడు అడ్డవచ్చే సూచనలు కనిపిస్తున్నాయి.