అభిమానం వర్షార్పణం అవుతుందా ?

Posted: 06/15/2013 12:00 PM IST

నేడు భారత క్రికెట్ అభిమానులకు పండగలాంటి వాతావరణం. గత కొన్నాళ్ళుగా కళ్ళు కాయలు కాసేలా చూస్తున్న  అభిమానులకు ఆ రోజు రానే వచ్చింది. చాంపియన్స్‌ ట్రోఫీలో దాయాదుల సమరం కోసం ప్రపంచవ్యాప్తంగా ఉన్న క్రికెట్‌ అభిమానులు ఎంతో ఆత్రంగా ఎదురు చూస్తున్నారు. ఈ మ్యాచ్ లీగ్ మ్యాచే అయినా ఇండియా, పాక్ క్రికెట్ అభిమానులకు మాత్రం ఫైనల్ లాంటి మ్యాచ్. ఇప్పటికే భారత్ సెమీ ఫైనల్ చేరినా, పాక్ ఇంటి దారి పట్టినా కానీ మ్యాచ్ పై ఆసక్తి మాత్రం తగ్గలేదు. ఎంతో ఆసక్తిగా ఎదురుచూస్తుంటే మరోవైపు ఈ మ్యాచ్‌కు వర్షం అడ్డంకి కలిగించే అవకాశం కనిపిస్తోంది. మ్యాచ్‌ ఎడ్‌బాస్టన్‌లో ఎడతెరపి లేకుండా వర్షం కురుస్తోంది. దీంతో హైవోల్టేజ్‌ మ్యాచ్‌ నిర్వహణపై సందేహాలు వ్యక్తమవుతున్నాయి. నెల రోజుల ముందే ఈ మ్యాచ్ కోసం లండన్‌లాంటి చుట్టుపక్కల నగరాల అభిమానులు కూడా టికెట్లు కొనుగోలు చేశారు. ఈ మ్యాచ్‌ కోసం అమ్మకాలు మొదలైన అరగంటలోనే టికెట్లన్నీ అమ్ముడైపోయాయి. ఇప్పుడు వర్షం వాళ్ల ఆశలపై నీళ్లు చల్లేలా ఉంది. చూద్దాం ఏం జరుగుతుందో ?