చెన్నై ఫ్రాంచైజీ రద్దు

Posted: 05/25/2013 12:59 PM IST

ఇప్పటి వరకు ఐపీఎల్ లో ఎక్కువ టైటిళ్ళు గెలుచుకోవడమే కాకుండా, అంత్యంత బలమైన జట్టుగా ఉన్న చెన్నై సూపర్ కింగ్స్ జట్టు యాజమాన్యం స్సాట్ ఫిక్సింగ్ కేసులో ఇరుక్కున్న నేపథ్యంలో ఆ జట్టును రద్దు చేయాలని పలువురు డిమాండ్ చేయడమే కాకుండా, బీసీసీఐ నిబంధనల ప్రకారం ఐపీఎల్ కి చెడ్డపేరు తీసువచ్చే ఏ పనులు జట్టు యాజమాన్యం, సభ్యులు కానీ చేస్తే ఆ ఫ్రాంఛైజీని రద్దు చేసే అధికారం బీసీసీఐకి ఉంటుంది. మరి ఆ నిబంధనను  చెన్నై జట్టుకు ఓనర్ క్రికెట్ పెద్ద అయిన బీసీసీఐ శ్రీనివాసన్ అల్లుడు కావడం చేత,  ఈ నిబంధనను అమలు చేస్తారా ? అమలు చేస్తే జట్టు రద్దు కాబోతుందా ? ఇప్పుడు క్రికెట్ వర్గాల్లో ఇదే చర్చ జరుగుతుంది. అయితే చెన్నై ఫ్రాంఛైజీ యాజమాన్యం మాత్రం గురునాథన్ తన జట్టుకు సీఈఓ కాదని, కనీసం టీం ప్రిన్సిపల్ కూడా కాదని , అతను నిర్వహణ సభ్యులలో ఒక్కడు మాత్రమే అని తేల్చి చెప్పింది. అయితే ఆ ఫ్రాంఛైజీ వాదనలు ఎలా ఉన్నా ఫిక్సింగ్ ఆరోపణలు ఎదుర్కొంటున్న చెన్నై జట్టును పూర్తిగా రద్దుచేసి ఆ స్థానంలో కొత్తగా వేలం నిర్వహించాలని లలిత్ మోడీ డిమాండ్ చేశారు. ఇతనే కాకుండా చాలా మంది ఈ ఫ్రాంఛైజీని రద్దు చేయాలని డిమాండ్ చేస్తున్నారు. మరి ఈనేపథ్యంలో ఐపీఎల్ నుండి చెన్నై జట్టు కనుమరుగు కానుందా ? అంటే అవుననే అంటున్నాయి క్రికెట్ వర్గాలు.