Posted: 12/19/2012 01:03 PM IST

ఇంగ్లండ్ చేతిలో ఘోర పరాజయం నేపథ్యంలో ఇండియా కెప్టెన్ పై విమర్శల వర్షం కురవడమే కాకుండా, ఇక కెప్టెన్ గా మీ సేవలు చాలు , ఇక తప్పుకుంటే మంచిది లేదా తొలగించితే మంచిది అనే డిమాండ్లు ఎక్కువవుతుంటే  తరుణంలో మాజీ కెప్టెన్ రాహుల్ ద్రావిడ్ మాత్రం మహీకి బాసటగా నిలిచాడు. ప్రస్తుత పరిస్థితుల్లో ధోనీ ఒక్కడే జట్టును ముందుకు నడిపించగలడని, భారత్‌కు మరో ప్రత్యామ్నాయం లేదని ఈ మిస్టర్ డిపెండబుల్ అంటున్నాడు. 'ఇలాంటి పరిస్థితుల్లో మార్పు చూడాలని కోరుకోవడం లేదు. ఇప్పటికీ టీమిండియాను ధోనీ ముందుకు నడిపించగలడు. అతనిలో ఆ సత్తా ఉంది. సవాళ్లను దీటుగా ఎదుర్కోగలడు. అదే అతని బలం. అయితే తుది నిర్ణయం ధోనీపైనే ఆధారపడి ఉంటుంది' అని ద్రావిడ్ చెప్పాడు. మరి ఎంతో అనుభవం ఉన్న ఆటగాడిగా ద్రావిడ్ చెప్పిన సలహాను బీసీసీఐ స్వీకరిస్తుందో లేదో చూడాలి.