Posted: 12/18/2012 04:39 PM IST

ఇంగ్లాండ్ చేతిలో ఘోర పరాజయం చవిచూసిన ధోని సేన పై విమర్శలు పెరిగిపోయాయి. ముఖ్యంగా ధోనిని కెప్టెన్సీ నుండి తప్పించాలనే వాదన బలంగా వినబడుతుంది. గత కొన్ని సంవత్సరాల నుండి అన్ని ఫార్మాట్లకు కెప్టెన్ గా వ్యవహరిస్తూ, ఎన్నో విజయాలను, ప్రపంచ కప్ ను సైతం అందించిన ధోనికి ఇప్పుడు రోజులు అస్సలు కలిసి రావడం లేదు. పోయిన సంవత్సరం ఇదే సీజన్ లో ఇంగ్లాండ్ చేతిలో క్లీన్ స్విప్ అయిన ధోని కెప్టెగా అందించిన సేవలు చాలని, ఇక ఆయనను కెప్టెన్సీ నుండి తప్పించి, విరాట్ కోహ్లీకి కెప్టెన్సీ పగ్గాలు ఇవ్వాలని క్రికెట్ విశ్లేషకులు అభిప్రాయపడుతున్నారు. ఇంగ్లండ్, ఆస్ట్రేలియాలతో జరిగిన టెస్టు సిరీస్‌ల్లో వరుసగా భారత్ పరాజయాల పరంపర కొనసాగించిన సంగతి తెలిసిందే.

ఇందుకు కోచ్ ఫ్లెచర్ కారణమని కొందరు, కెప్టెన్ కారణమని మరికొందరు.. సీనియర్ ఆటగాళ్లున్నా ఫలితం లేదని అభిమానులు వాపోతున్నారు. ఈ నేపథ్యంలో సునీల్ గవాస్కర్, కృష్ణమాచారి శ్రీకాంత్ తదితర సీనియర్లు ధోనిని తప్పించాలని డిమాండ్ చేస్తున్నారు. ఇంకా టెస్టు జట్టు నుండి ధోనిని తప్పించి కోహ్లీకి అప్పగించాలని సునీల్ గవాస్కర్ అభిప్రాయపడ్డారు. మరి ధోనీనే మర్యాదగా కెప్టెన్సీ పదవి నుంచి తప్పుకుంటాడో లేదా బీసీసీఐ సెలక్టర్లు అతడిని తప్పించి అతని స్థానంలో కోహ్లీని ఎంపిక చేస్తారో వేచి చూడాలి. ధోని దుర ద్రుష్టమో, లేక ఆటగాళ్ళ నిర్లక్ష్యమోగానీ ఈ మధ్య అపజయాల్ని మూటగట్టుకొని అందరి చేత భారత జట్టు విమర్శల పాలవుతున్న మాట వాస్తవం.