Posted: 12/15/2012 03:29 PM IST

         అనేక అంతర్జాతీయ బ్రాండ్ల ఉత్పత్తులు ఓదరికి చేర్చి ‘ఎక్స్‌ పో’ పేరిట హైదరాబాద్ లో ఓ కాస్ట్లీ ఎగ్జిబిషన్ ప్రారంభమైంది.  ఈ విశేషాలను మాజీ గ్లాడరాగ్స్ మిసెస్ ఇండియా, మోడల్, ఈ ఎక్స్‌ పోకు ఎడ్వైజర్ అయిన శిల్పారెడ్డి, ఎన్ కన్వెన్షన్ డైరక్టర్‌లలో ఒకరైన కావ్య రెడ్డి వెల్లడించారు.. ప్రపంచంలో అత్యుత్తమమైన లగ్జరీ బ్రాండ్లను ఒకే దరికి తీసుకురావటం అద్భుతమైన విషయం. నగరంలో మొట్టమొదటి సారిగా ఈ తరహా ఎక్స్‌ పో చేస్తుండటం ఆనందగా ఉంది  అని అన్నారు.
       జ్వాల గుత్తా మాట్లాడుతూ.. 'ఇప్పటి వరకూ ఏదైనా లగ్జరీ ఉత్పత్తి కావాలంటే ముంబైలాంటి నగరాలకు వెళ్లాల్సి వచ్చేది. ఆ కష్టాన్ని ఈ ఎక్స్‌పో తీర్చనుంది' అని అభిప్రాయపడ్డారు. ఎక్స్‌ పో ప్రారంభసూచికగా 3.5 కోట్ల రూపాయల విలువ చేసే బెంట్లే ముల్సాన్ కారుతో పాటుగా పోలారిస్ 800 ఏటీవీను ప్రత్యేకంగా ప్రదర్శించారు.
        కాగా, ఈ ఎక్స్ పోలో ట్రావెల్, ఆతిథ్య రంగం, డెకార్, జువెలరీ, ఫ్యాషన్, పర్సనల్ కేర్, వైన్స్ మరియు స్పిరిట్స్, గాస్ట్రోనమీ, హౌస్‌హోల్డ్ అప్లయెన్సెస్, ఆర్ట్, రియల్ ఎస్టేట్, కాన్‌సీర్జ్ సర్వీసెస్, బ్యాంకింగ్ రంగాల ఉత్పత్తులు ఇక్కడ ప్రదర్శిస్తున్నారు. ఇక్కడ ప్రదర్శించబోతున్న అత్యుత్తమ బ్రాండ్లలలో లాంబోర్గిని, బెంట్లీ, రోల్స్ రాయిస్ అండ్ మినీ కూపర్, ఆస్టన్ మార్టిన్ వంటి కార్లు, హార్లే డేవిడ్ సన్, పోలారిస్ వంటి బైక్లు, శిల్పారెడ్డి, మోర్ మిశ్చిఫ్ వంటి అప్పెరల్స్ అండ్ యాక్ససరీ బ్రాండ్లు, ఒమెగా, కోరం వంటి వాచీ సంస్థలు, లక్ష్మీమంచు ఆవిష్కరించిన ఐకనోక్లాస్ట్ వంటి ఫ్రాగెన్స్, ఆర్ట్‌గురు, ల్యాడ్రో వంటి సంస్థల హోమ్ డెకార్ ఉన్నాయి.
           ప్రత్యేక ఆహ్వానితులు అదీ బ్లాక్, వైట్ లేదా గ్రే డ్రెస్ కోడ్‌ను అనుసరిస్తూ హాజరైన వారికి మాత్రమే ప్రవేశం ఉంటుంది. అలాగే ఎక్స్‌ పో జరిగే మూడు రోజులూ సాయంత్రం పూట ప్రత్యేక వినోద కార్యక్రమాలు ఏర్పాటు చేస్తున్నారు.

...avnk