పీపుల్స్ ప్లాజాలో ఏర్పాటు చేసిన 27వ హైదరాబాద్ బుక్ ఫెయిర్లో హడావిడి అంతాఇంతా కాదు. బుక్ ఫెయిర్ కు పిల్లలు, పెద్దలు భారీగా తరలివస్తున్నారు. లక్షలాది పుస్తకాలు కళ్లముందు కనిపిస్తుంటే వారి ఆనందానికి అవధులే లేవని చెప్పాలి. ఇందులో.. ప్రపంచంలోని సృజనాత్మక సాహిత్యాన్ని తెలుగు పాఠకులకు అందించే లక్ష్యంతోనే పీకాక్ క్లాసిక్స్ కథా సాహిత్యం, ఫిలాసఫీ, ఎకనామిక్స్ పుస్తకాలు..
కొత్తగా వచ్చిన పుస్తకాల్లో కులదీప్ నయ్యర్ ఆత్మకథ 'అక్షరానికి ఆవల' అమితంగా ఆకట్టుకుంటోంది. పాత్రికేయ వృత్తిలో వివిధ హోదాల్లో సుదీర్ఘ కాలంగా పనిచేస్తున్న కులదీప్నయ్యర్ ఆత్మకథ అనగానే పలువురు ఆసక్తిగా చూస్తున్నారు. పత్రిక స్వేచ్ఛ, మానవ హక్కుల గురించి నిత్యం అక్షర సమరం చేసే కులదీప్ నయ్యర్ ఆత్మకథ పుస్తకం 'ఎమెస్కో' స్టాల్(126)లో అందుబాటులో ఉంది.
దీనితో పాటు 'హైదరాబాద్ నగర నిర్మాతలు కుతుబ్ షాహీలు', ఇరుగుపొరుగు పుస్తకాలు సైతం పాఠకుల దృష్టిని మరల్చనీయడం లేదు. విద్యా విషయం... రామయ్య విద్యాపీఠం పేరిట ఏర్పాటు చేసిన స్టాల్(46)లో చుక్కా రామయ్య రచించిన అన్ని పుస్తకాలు అందుబాటులో ఉన్నాయి. 'లెక్కలతో ప్రయోగాలు', 'ప్రపంచీకరణ- విద్య','మంచి టీచర్ ఎలా ఉండాలి?' వంటి పుస్తకాలు ఆకట్టుకుంటున్నాయి.
శాస్త్ర విజ్ఞాన వీక్షణం... సామాజిక, ఆర్థిక, రాజకీయ అంశాలపై వందలాది పుస్తకాలు వీక్షణం స్టాల్(39)లో కొలువుదీరాయి. కొడవగంటి రోహిణీ ప్రసాద్ రచించిన మానవ పరిణామం, విశ్వాంతరాళం, ప్రకృతీ - పర్యావరణం వంటి పుస్తకాలు ఆసక్తికరంగా ఉన్నాయి. శాస్త్ర విజ్ఞానానికి సంబంధించిన విషయాల్ని తెలుసుకోవాలనే వారికి ఈ సాహిత్యం ఉపకరిస్తుంది. వీటితో పాటు హెచ్బీటీ ప్రచురించిన ఇంట్లో ప్రేమ్ చంద్, బాలగోపాల్ రూపం-సారం, వేణుగోపాల్ పరిచయాలు.. పుస్తకాల కొనుగోలుపై పాఠకులు ఆసక్తి చూపుతున్నారు.
పాలపిట్ట స్టాల్(104)లో పలు పుస్తకాలు సాహితీ ప్రియులను అలరిస్తున్నాయి. సాహితీలోకంలో పాలపిట్టలై విహరింపజేస్తున్నాయి. షేక్స్ పియర్ సాహిత్య పరామర్శ, స్త్రీవాద సాహిత్యం వరకు మంచి పుస్తకాలు, పాటపిట్ట సంచికలు అందుబాటులో ఉన్నాయి. వీటితో పాటు మిసిమిస్టాల్(230)లో చార్లిన్ చాప్లిన్, నాయకురాలు నాగమ్మ వంటి పుస్తకాలు.. ఇలా ఎన్నో పుస్తకాలు దర్శనమిస్తున్నాయి.
...avnk
(And get your daily news straight to your inbox)
Dec 26 | నేటి అర్థరాత్రి నుండి నగరంలోని చెత్త ఎక్కడికక్కడే పేరుకొని పోనుంది. హైదరాబాద్ మున్సిపల్ కార్పోరేషన్ పరిధిలోని కార్మికులు నేటి అర్థరాత్రి (గురువారం) నుండి సమ్మెకు దిగబోతున్నారు. కార్మికులకు ప్రభుత్వం ఇచ్చిన హామీలను నెరవేర్చడంలో జాప్యం... Read more
Dec 18 | నేతల అవినీతివల్లే ధరలు పెరిగిపోయాయని, అవినీతి కేన్సర్ లాంటిదని టీడీపీ అధ్యక్షుడు చంద్రబాబు నాయుడు తనయుడు నారా లోకేష్ నాయుడు పేర్కొన్నారు. ఎన్టీఆర్ ట్రస్ట్ భవన్లో టీఎన్ఎస్ఎఫ్ రాష్ట్ర స్థాయి సమావేశాన్ని ప్రారంభించారు. రాష్ట్రంలో... Read more
Dec 17 | రాష్ట్ర విభజన బిల్లుపై శాసనసభలో చర్చ ప్రారంభమైందన్న వివాదం కొనసాగుతున్న నేపథ్యంలో.. ప్రస్తుత శాసనసభ సమావేశాలను నిరవధికంగా వాయిదా వేయించి విభజన బిల్లుపై మరోసారి ప్రత్యేక సమావేశాలు పెట్టించాలని ముఖ్యమంత్రి కిరణ్కుమార్రెడ్డి, సీమాంధ్ర మంత్రులు... Read more
Dec 16 | ఆంద్రప్రదేశ్ పునర్ వ్యవస్థీకరణ బిల్లును చైర్మన్ చక్రపాణి మండలిలో ప్రవేశ పెట్టిన నేపథ్యంలో శాసనమండలి మీడియా పాయింట్ వద్ద తెదేపా, తెరాస ఎమ్మెల్సీల మద్య వాగ్వాదం, తోపులాట జరిగింది. మండలి వాయిదా పడిన అనంతరం... Read more
Dec 13 | విభజనపై సీమాంధ్ర ప్రజలు భయపడాల్సిన అవసరం లేదని, 2014 సాధారణ ఎన్నికల లోపు రాష్ట్ర విభజన జరగదని చిన్ననీటి పారుదల శాఖ మంత్రి టీజీ వెంకటేష్ పేర్కాన్నారు. రాష్ట్ర విభజనకు పార్లమెంట్లో మూడింట రెండొంతుల... Read more