జగన్ కు నారా లోకేష్ సవాల్

Posted: 12/18/2013 08:16 PM IST

నేతల అవినీతివల్లే ధరలు పెరిగిపోయాయని, అవినీతి కేన్సర్ లాంటిదని టీడీపీ అధ్యక్షుడు చంద్రబాబు నాయుడు తనయుడు నారా లోకేష్ నాయుడు పేర్కొన్నారు. ఎన్టీఆర్ ట్రస్ట్ భవన్‌లో టీఎన్ఎస్ఎఫ్ రాష్ట్ర స్థాయి సమావేశాన్ని ప్రారంభించారు. రాష్ట్రంలో పరిశ్రమ పెట్టాలంటే ప్రతి ఒక్కరూ లంచం అడుగుతున్నారని వ్యాపారాలు వాపోతున్నారని, అవినీతిని అరికడితేనే ఉపాధి అవకాశాలు పెరుగుతాయని లోకేష్ నాయుడు పేర్కొన్నారు. ఆదాయం పెరగినట్లు ఉద్యోగాలు ఎందుకు పెరగటం లేదని, 2004 తర్వాత ప్యాబ్ సిటీలో ఒక్కరికైనా ఉద్యోగం వచ్చిందా అంటూ ఆయన ప్రశ్నించారు. చంద్రబాబు నాయుడు, వైఎస్ పాలనలో అభివృద్ధిపై చర్చకు జగన్మోహన్‌రెడ్డి సిద్ధమా? అంటూ లోకేష్ నాయుడు సవాల్ చేశారు. పదేళ్ల కాంగ్రెస్ పాలనలో చంద్రబాబుపై 37 కేసులు పెట్టారు, ఒక్కటీ కూడా నిరూపించలేదని ఆయన పేర్కొన్నారు.

 

మంత్రి పొన్నాలకు హైకోర్టులో ఊరట

ఎన్నికల ఫలితాల వెల్లడిలో అక్రమాలు జరిగాయని, ఓడిన పొన్నాల లక్ష్మయ్యను గెలుపొందినట్లు ప్రకటించారని, ప్రతాప్‌రెడ్డి హైకోర్టును ఆశ్రయించగా, పొన్నాల ఎన్నికపై 2010లో కోర్టు సమగ్ర విచారణకు ఆదేశించింది. ఈ తీర్పును పొన్నాల సుప్రీంకోర్టులో సవాల్‌ చేశారు. విచారణపై అదే ఏడాది సుప్రీంకోర్టు స్టే విధించింది. నాటి నుండి ఈ కేసు విచారణ జరిగింది. అయితే ఈరోజు రాష్ట్ర ఐటీ శాఖ మంత్రి పొన్నాల లక్ష్మయ్యకు హైకోర్టులో ఊరట లభించింది. పొన్నాల ఎన్నిక చెల్లదంటూ ప్రత్యర్థి, టీఆర్ఎస్ నేత కొమ్మూరి ప్రతాప్ వేసిన పిటిషన్‌ను కోర్టు కొట్టివేసింది.

 

అయితే 2009 ఎన్నికల్లో జనగాం శాసనసభ స్థానం నుంచి 236 ఓట్ల మెజారిటీతో పొన్నాల లక్ష్మయ్య గెలుపొందారు. అయితే ఆయన ఎన్నిక చెల్లదంటూ పొన్నాల ప్రత్యర్థి కొమ్మూరి ప్రతాప్‌రెడ్డి హైకోర్టులో పిటిషన్ దాఖలు చేసిన విషయం తెలిసిందే. ఈ రోజు ఆ పిటిషన్ ను హైకోర్టు కొట్టేవేయటంతో మంత్రి పొన్నాల వర్గీయులు సంబరాలు జరుపుకుంటున్నారు.