నవంబర్ లో భారతీయ మార్కెట్లలోకి రానున్న గూగుల్ నెక్సెస్ ఫోన్లు

Posted: 10/16/2014 05:20 PM IST

Google nexus 6 and 9 to hit indian markets in november

ఇంటర్నెట్ దిగ్గజం గూగుల్ భారతీయ మార్కెట్లోకి కొత్త మొబైల్ ఫోన్లు నవంబర్ మొదటి వారంలో విడుదల చేయనుంది. ఈ మేరకు ఆ సంస్థ ఓ ప్రకటనలో వెల్లడించింది. తాజాగా గూగుల్ రూపొందించిన నెక్సస్ 6, నెక్సస్ 9 ఫోన్లను యూఎస్ తోపాటు ఇతర దేశాల్లో కూడా విడుదల చేసేందుకు ప్రణాళికను సిద్ధం చేసుకుంటోంది. అపిల్ సంస్థ రూపోందించిన ఐ ఫోన్ 6, 6 ప్లస్ లకు పోటీగా గూగుల్ సంస్థ నెక్సెస్ 6, నెక్సెస్ 9 ఫోన్లను రూపోందించిందని మార్కట్ వర్గాల్లో టాక్.

గూగుల్ తో కలిసి మోటోరోలా మొబైల్ ఫోన్ల కంపెనీ కలసి రూపొందిస్తున్న నెక్సస్ 6 ఫోన్ అక్టోబర్ చివరి వారంలో ముందస్తు బుకింగ్ చేసుకోవచ్చని.. నవంబర్ మొదటి వారంలో స్టోర్స్ లో అందుబాటులోకి వస్తాయని కంపెనీ వెల్లడించింది. ఆపిల్ కంపెనీ నుంచి ఎదురవుతున్న తీవ్ర పోటిని తట్టుకునేందుకు కొత్త ప్రోడక్టులను మార్కెట్ తీసుకురావడానికి ఇవాళ నిర్వహించే ఓ సమావేశంలో గూగుల్, మోటరోలా కంసెనీలు ఓ నిర్ణయం వచ్చే అవకాశం కనిపిస్తోంది.

మొబైల్ మార్కెట్ లో వినియోగదారులను ఆకట్టుకునేందుకు ఐఫోన్ 6, ఐఫోన్ 6 ప్లస్ భారత్ లో విడుదల చేసిన సేపథ్యంలో వాటికి పోటీగా తమ మొబల్ ఉత్పత్తులు వుండేలా ఈ సమావేశంలో చర్చించనున్నారు. మొబైల్ ఫోన్ వినియోగంలో భారత్ వేగంగా దూసుకుపోతుందని గణాంకాల నేపథ్యంలో భారతీయ మార్కట్ను తమ సాధ్యమైనంత వరకు క్యాప్చర్ చేయాలని గూగుల్ యత్నిస్తోంది. మరి వారి ప్రయత్నాలు ఫలిస్తాయో..? లేదో..? వేచి చూడాల్సిందే.

జి.మనోహర్