Posted: 05/12/2012 06:38 PM IST

 దేశవ్యాప్తంగా బ్యాంకింగ్ సర్వీసులు అందని గ్రామీణ ప్రాంతాలలో పోస్టల్ శాఖ ఆధ్వర్యంలో 1000 ఏటీఎం సెంటర్లను ఏర్పాటు చేయనున్నట్లు కేంద్ర టెలికం శాఖ మంత్రి కపిల్ సిబల్ లోక్‌సభకు తెలిపారు. దేశ వ్యాప్తంగా 1.54 లక్షల పోస్టాఫీస్ కార్యాలయాలు ఉన్నాయి. వీటిలో ఎక్కు వ శాతం గ్రామీణ ప్రాంతాలలో కలవు. గ్రామీణ ప్రాంత ప్రజలకు బ్యాంకింగ్ సర్వీసులను అందించాలనే ఉద్దేశంతో పోస్టాఫీస్ ఏటీఎం సెంటర్లను ఏర్పాటు చేయనున్నట్లు తెలిపారు. అలాగే పోస్టాఫీస్‌ల కార్యకలాపాలను కంప్యూటరీకరించడం ద్వారా మార్చి 31 నాటికి 24,969 పోస్టాఫీస్‌లను అంతర్జాలంలో అనుసంధానం చేశారు. ఆర్‌బీఐ సూచలన మేరకు పోస్టాఫీస్‌లలో ఏటీఎం సెంటర్లను ఏర్పాటు చేయనున్నట్లు, భవిష్యత్తులో బ్యాంకింగ్ సర్వీసులు అందించడానికి మరో మూడు వేల ఏటీఎంలను ఏర్పాటు చేయాల్సి ఉంటుందన్నారు. భవిష్యత్తులో పోస్టాఫీస్ ఒక చిన్న సైజు బ్యాంక్‌లాగా మారబోతుందని, అతి తక్కువ ఖర్చుతో వినియోగదారుడికి బ్యాంకింగ్ సేవలు అందించే అవకాశాలు పుష్కలంగా ఉన్నాయని చెప్పారు. వీటితో పాటు పోస్టాఫీస్‌లలో గ్రామీణ ప్రాంతాలలో లభించే ఉత్పత్తులను కూడా విక్రయిస్తున్నారు. ఇప్పటికే పోస్టాఫీస్‌ల ద్వారా దేశ వ్యాప్తంగా 8 కోట్ల మందికి ఆధార్ కార్డులు అందచేసినట్లు చెప్పారు.