నగరాల్లో ఉంటే మార్నింగ్ వాక్ మానేయండి !

Posted: 12/23/2014 04:38 PM IST

మార్నింగ్ వాక్ తో ఎన్నో ప్రయోజనాలు ఉన్నాయని అందరికి తెలుసు. బరువు తగ్గించుకునేందుకు, స్వఛ్చమైన గాలిని పీల్చేందుకు ఇలా ప్రతి ఒక్కరూ ఏదో ఒక కారణంతో మార్నింగ్ వాక్ చేస్తుంటారు. ఇంట్లో పెద్దలు కూడా దీన్ని ప్రోత్సహిస్తారు. కాని నగరాల్లో ఉండేవారు మార్నింగ్ వాక్ మానేయమంటూ సలహాలు ఇస్తున్నారు. ముఖ్యంగా హైదరాబాద్, ఢిల్లీ, ముంబై వంటి నగరాల్లో ఇది ఆరోగ్యం ఇచ్చేకంటే అనారోగ్యంకు కారణం అవుతుందని హెచ్చరిస్తున్నారు. ఈ సూచనలు స్వయంగా డాక్టర్లే చెప్తుండటంతో కాస్త ఆలోచించక తప్పదు. ఇంతకూ వారెందుకు వద్దంటున్నారో ఇప్పుడు చూద్దాం.

* నగరాల్లో అభివృద్ధితో పాటు కాలుష్యం స్థాయి కూడా ఎక్కువే ఉంటుంది.
* తాజా సర్వే ప్రకారం నగరాల్లో దుమ్మ, ధూళి కణాల స్థాయి ఉదయమే ఎక్కువగా ఉంటోంది.
* ఉష్ణోగ్రతలు తక్కువగా ఉండటంతో.., దుమ్ము,దూళి త్వరగా శరీరంలోకి వ్యాపించే అవకాశం ఉంది.
* చలికాలంలో పొగ మంచు వల్ల కంటిచూపు స్థాయి తగ్గుతుంది. దీని వల్ల కళ్ళపై ఒత్తిడి పడుతుంది.
* సాధారణ రోజుతో పోలిస్తే సాయంత్రం తర్వాత, ఉదయం పది గంటల వరకు దూళికణాలు ఎక్కువగా ఉన్నట్లు ఢిల్లీకి చెందిన శాస్ర్తవేత్త గుఫ్రాన్ బేగ్ వెల్లడించారు.
* కాబట్టి మార్నింగ్ వాక్ కు బదులు ఇంట్లోనే యోగా, ఆసనాలు, ఇతర మార్గాల్లో సాధన చేసి బరువును తగ్గించుకోవచ్చు. ఏకాగ్రతతో, ప్రశాంతంగా ఉండవచ్చు.