బెల్లీ ఫ్యాట్ ను కరిగించే ఆహార పదార్థాలు

Posted: 11/11/2014 04:17 PM IST

ప్రస్తుత బిజీ ప్రపంచంలో ప్రతిఒక్కరూ తమ ఆరోగ్యం మీద అంతగా దృష్టి సారించలేకపోతున్నారు. ఎక్కువసేపు కేవలం ఆఫీసు, ఇంటిపనిమీద లీనమైపోవడం వల్ల శరీర ఆరోగ్యాన్ని మెరుగుపరుచుకునే సమయం దొరకదు. ఎన్ని పౌష్టికాహారాలు తీసుకున్న వాటివల్ల వ్యాధినిరోధక శక్తి పెరుగుతుంది కానీ.. రానురాను బద్దకస్తులు అయిపోతారు. అంటే.. సమయానికి వ్యాయామం చేయకపోవడం వల్ల శరీర బరువు పెరుగుతుంది. ఫలితంగా బద్దకస్తులు అవడంతోపాటు లావుగా మారిపోతారు. అయితే వెంటనే లావుగా మారరు కాబట్టి.. మొదట్లో చిరుబొజ్జ వస్తుంది. అటువంటి సంకేతాలు కనిపించిన వెంటనే ఆ సమస్య మరింత రెట్టింపు కాకుండా తగ్గించుకోవాలంటే కొన్ని ఆహారపదార్థాలు అందుబాటులో వున్నాయి. వాటిని నిత్యం తీసుకుంటే వ్యాయామం చేసే అవసరం వుండదు.. త్వరలోనే మంచి ఫలితాన్ని గుర్తించుకోగలుగుతారు. మరి ఆ ఆహారపదర్థాలేంటో తెలుసుకుందాం...

1. లెమన్ వాటర్ : నడుము చుట్టూ ఉన్న కొవ్వు కణాలను విచ్ఛిన్నం చేసి బెల్లీని ఫ్యాట్ ను కరిగించడంలో లెమన్ వాటర్ ఎంతో ఉత్తమంగా పనిచేస్తుంది.
విధానం : ముందుగా ఒక గ్లాసులో గోరువెచ్చని నీరు తీసుకుని అందులో నిమ్మకాయ రసాన్ని కలుపుకోవాలి. అవసరమైతే అందులో కాస్త తేనె మిక్స్ చేసుకొని తీసుకోవచ్చు. ప్రతిరోజూ ఉదయం నిద్రలేవగానే ఈ మిశ్రమాన్ని తీసుకుంటే.. శరీరంలో కొవ్వు పదార్థాలు త్వరగా కరిగిపోతాయి. అయితే లెమన్ వాటర్ తీసుకున్న తర్వాత అరగంటసేపు ఇతర పానీయాలు, ఆహారాలు తీసుకోకూడదు.

2. క్రాన్ బెర్రీ జ్యూస్ : ఇందులో మాలిక్ ఆసిడ్, సిట్రిక్ ఆసిడ్, క్వినిక్ ఆసిడ్స్ వంటి ఆర్గానిక్ యాసిడ్స్ వుంటాయి. ఇవి శరీరంలో జీర్ణ రసాలను ఎప్పటికప్పుడు ఉత్పత్తి చేస్తాయి. అంతే కాదు.. కాలేయంలో వుండే లింపాటిక్ వేస్ట్ ను జీర్ణం అయ్యేలా చేసి.. జీర్ణక్రియకు అడ్డుపడే టాక్సిన్స్ ను తొలగించేస్తాయి.
విధానం : ఒక కప్పులో క్రాన్ బెర్రీ జ్యూస్ తీసుకుని అందులో కాస్త నీటిని కలుపుకోవాలి. ఈ మిత్రమాన్ని ప్రతిరోజూ ఉదయాన్నే తీసుకోవాలి. ముఖ్యంగా బ్రేక్ ఫాస్ట్, లంచ్, డిన్నర్ కు ముందు తీసుకుంటే మంచి ఫలితం దక్కుతుంది.

3. ఫిష్ ఆయిల్ (ఫిష్) : ఇందులో ఒమేగా 3 ఫ్యాటీ ఆసిడ్స్ తోపాటు ఐకోసపెంటాయోనిక్ యాసిడ్, డెకాసహెక్సానిక్ ఆసిడ్స్, లినోలెనిక్ ఆసిడ్స్ వంటివి శరీరంలో కొవ్వు నిల్వలను, నడుము చుట్టును ఉన్న కొవ్వును విచ్ఛిన్నం చేయడానికి సహాయపడుతాయి.
విధానం : ప్రతిరోజూ 6గ్రాముల ఫిష్ ఆయిల్ ను తీసుకోవాలి. సాల్మన్, మెకరెల్ ఫిష్, హాలిబట్, తున వంటి చేపల్లో ఓమేగా 3 ఫ్యాటీ ఆసిడ్స్ పుష్కలంగా వుంటాయి. వాటిమీదే ఎక్కువ దృష్టి సారిస్తే మంచిది.

4. అల్లం టీ : ఇది ఒక థర్మోజెనిక్. ఈ ఏజెంట్స్ శరీరంలో వేడి పెంచుతుంది. తద్వారా కొవ్వ కణాలు ఎఫెక్టివ్ గా బర్న్ అవుతాయి. అంతే కాదు, అల్లం కార్టిసోల్ ప్రొడక్షన్ కూడా పెంచుతుంది. ఈ హార్మోన్ ఎనర్జీ అందించడంతోపాటు మెటబాలిజం రేటును పెంచడానికి సహాయపడుతుంది.
విధానం : ముందుగా నీళ్లను బాగా మరిగించుకోవాలి. అందులో తురుముకున్న అల్లం వేసి, తర్వాత స్టౌ నుంచి కిందకు దించాలి. అనంతరం నిమ్మరం, తేనె మిక్స్ చేయాలి. ఈ విధంగా తయారుచేసుకున్న ఈ మిశ్రమాన్ని రెగ్యులర్ గా తీసుకుంటే మంచి ఫలితాన్ని గుర్తించుకోగలుగుతారు.