‘‘హైఫీవర్’’ను తగ్గించుకునే సహజమార్గాలు!

Posted: 10/31/2014 04:57 PM IST

సాధారణంగా కొంతమంది తరచూ జ్వరానబారిన పడుతుంటారు. జలుబు, దగ్గు, హైఫీవర్, తలనొప్పి, ఒళ్లునొప్పులు వంటివి రోగాలు అప్పుడప్పుడు బాధిస్తుంటాయి. ఇటువంటి రోగాలు తరచుగా వచ్చేవారిలో రోగనిరోధక శక్తి తక్కువ మోతాదులో వుంటుంది. (కొంతమంది తమకు ఎలెర్జీ అంటూ చెబుతుంటారు. వాళ్లు తరచూ కర్చీఫ్ పట్టుకుని తిరుగుతుంటారు). పోషకపదార్థాలను రెగ్యులర్ గా తీసుకోవడం వల్ల శక్తిని పెంచుకోవచ్చు గానీ.. తరుచుగా వచ్చే జబ్బులవల్ల శక్తి క్షీణిస్తూ వస్తుంది. పైగా రోగనిరోధక శక్తి తక్కువగా వున్నవారు బయటివాతావరణంలో తిరిగితే దాని ప్రభావం మరింతగా చూపుతుంది.

దుమ్ము, ధూళి, పోలెన్ వంటి అలెర్జెన్ ను పీల్చినప్పుడు హైఫీవర్, అలెర్జిక్ రినైటిస్ వంటి రోగాలు వస్తాయి. ఇవి ఒంట్లో యాంటీబాడీల ఉత్పత్తిని పెంచుతాయి. ఈ యాంటీబాడీలు చాలావరకు హిస్టమైన్లుండే మాస్ట్‌ కణాలతో బంధం ఏర్పరచుకుంటాయి. పొలెన్‌, దుమ్ము, హిస్టమైన్‌ (ఇతర రసాయనాల) ద్వారా ప్రభావితమైనప్పుడు ఈ మాస్ట్‌ కణాలు విడుదలవుతాయి. ఇది దురద, వాపు, శ్లేష్మం ఉత్పత్తి వంటివాటికి దారితీస్తుంది. ఫలితంగా హైఫీవర్ తో మంచానపడాల్సి వస్తుంది. మరి ఇటువంటి రోగాలను తగ్గించుకోవాలన్న... దూరంగా వుండాలన్న కొన్ని సహజ మార్గాలను పాటిస్తే చాలు! త్వరలోనే ఈ సమస్య నుంచి ఉపశమనం పొందవచ్చు.

హైఫీవర్ ను తగ్గించుకునే సహజ మార్గాలు :

1. జ్వరం ఎక్కువగా వున్న వ్యక్తి చల్లని వాతావరణం వుండే ప్రదేశాల్లో వుంటే మంచిది. అలాగే పలుచటి దుస్తులు, దుప్పట్లు వాడాల్సి వుంటుంది. ఇలా చేస్తే.. కొంత ఉపశమనం లభిస్తుంది.

2. జ్వరం వచ్చిన వ్యక్తికి కొంతమంది నుదుటిపైన తడిగుడ్డ పెడతారు. అయితే దీనివల్ల ఎటువంటి ప్రయోజనం లేదు. అలాకాకుండా గోరువెచ్చని నీళ్ళతో శరీరమంతా తడుముకుంటే కాస్త ఉపశమనం లభిస్తుంది.

3. పోషకాలు ఎక్కువగా వుండే ఫ్రూట్ జ్యూస్, ద్రవపదార్థాలు ఎక్కువగా తీసుకోవాలి. ముఖ్యంగా నీళ్లను అధికంగా తాగితే మరీ మంచిది.

4. జ్వరం అధికంగా వున్నప్పుడు బయట ఎక్కువగా తిరగకుండా, విశ్రాంతి తీసుకోవడం చాలా అవసరం. అలా అని గంటలకొద్దీ నిద్రపోకూడదు సుమా! ఇంట్లోనే ఆరోగ్యాన్ని సంరక్షించుకోవాలి.

5. జ్వరం వచ్చిన వ్యక్తి శక్తిని కోల్పోతాడు కాబట్టి ఆ సమయంలో అతని శరీరానికి అధిక కేలరీలు అవసరం అవుతాయి. కాబట్టి కేలరీలు ఎక్కువగా నిల్వవుండే గ్లూకోజ్, హార్లిక్స్ లాంటి ద్రవ పదార్దాలు, పండ్ల రసాలు వంటివి ఆధికంగా తీసుకోవాలి. బియ్యం గంజి,సగ్గుబియ్యం గంజి,జావ, బార్లీ నీళ్ళు సులభంగా జీర్ణమైయ్యే పదార్దాలు ఇవ్వాలి. కాఫీ , టీ లాంటి ద్రవ పదార్దాలు సాధారణ వేడి తో తీసుకోవాలి. పాలు, రొట్టె లాంటి పదార్దాలు తీసుకోవచ్చును.

7. అయితే మాంసం, గుడ్డు, వెన్న, పెరుగు, నూనె పదార్దాలు తీసుకోరాదు. ఒకవేళ వీటిని తీసుకుంటే జ్వరం ఇంకా ఎక్కువగా పెరగడంతోపాటు ఇతర వ్యాధులు సోకే ప్రమాదముంది.