ప్రస్తుతకాలంలో విడాకుల సమస్య విపరీతంగా పెరిగిపోతోంది. పెళ్లి చేసుకున్న ప్రతి 10 జంటలలో 4 జంటలు కొద్దికాలంలోనే విడాకులు తీసుకుని విడిపోతున్నారు.
ప్రేమించి, పెళ్లి చేసుకున్న రెండు మూడు సంవత్సరాలవరకు ఒకరికొకరు ఆప్యాయంగా గడుపుతారు. పిల్లల్ని కూడా కంటారు. కానీ ఆ తరువాత చిన్నచిన్న భేదాభిప్రాయాలతో విడిపోతున్నారు. ఒకరిమధ్య ఇంకొరికి సరైన సమతుల్యత కలిగి వుండరు.
అటువంటి సమయాలలో ఏమీ ఆలోచించకుండా విడాకులు తీసుకుంటున్నారు. అయితే దీని ప్రభావం వారి పిల్లలమీద పడుతుంది. వారి భవిష్యత్ తీవ్రంగా నష్టపోతుంది. ఈ విషయం గురించి చాలామంది జంటలు అస్సలు పట్టించుకోరు.
పెళ్లనేది బొమ్మలాట కాదు.... కొద్దిరోజులు కలిసి వుండి, సరసాలు తీర్చుకుని, ఎవరిపనివారు కానించుకున్న తరువాత విడిపోవడానికి. మనం కలలు కనే జీవితానికి, నిజ జీవితానికి చాలా తేడా వుంటుంది.
భార్యాభర్తల మధ్య సామాజిక, ఆర్థిక, ఆవేశపరమైన విషయాలు సమతుల్యత వుండాలి. ఏ ఒక్క చిన్న సంఘటన అయినాగానీ తెలివిగా దానిని పరిష్కరించుకునే మార్గాన్ని వెతుక్కోవాలి.
సాధారణంగా ఇటువంటి చిన్న సంఘటనలే పెద్దపెద్ద అగాధాలుగా మారి విడిపోవడానికి కారణాలు అవుతాయి. చిన్నచిన్న అపార్థాలను కూడా పరిష్కరించుకోలేకపోతే.. అవి విడాకులకు దారితీసినట్టే లెక్క.
సాధారణంగా పెళ్లయిన జంటలకు ప్రేమకు ప్రతిరూపమే శృంగారం. అంటే.. శృంగారంలో పాల్గొనడం వల్ల ఒకరిమధ్య ఇంకొకరి వున్న విభేదాలు చాలావరకు తగ్గుతాయి. ఒకరి మీద ఒకరికి ప్రేమ అనేది అన్నోన్యంగా వుంటుంది.
కానీ కాలం గడుస్తున్నకొద్దీ బాధ్యతల భారం కూడా పెరుగుతూ వుంటుంది. పెళ్లయిన రెండు, మూడు సంవత్సరాల తరువాత పిల్లలు పుడతారు. వారిని చాలా జాగ్రత్తగా చూసుకోవాలి కాబట్టి భార్యాభర్తలు కలిసి వుండడానికి సమయం తగ్గుతుంది.
అప్పుడు వారిమధ్య ప్రేమ పంచుకోవడంగానీ, శృంగారజీవితం స్థిరంగా వుండక, చిన్నచిన్న భేదాలు ఏర్పడడం మొదలవుతాయి. చివరికి ఇవే పెద్దవిగా అయి విడాకులకు దారితీస్తాయి.
కాబట్టి అటువంటి సమయాలలో కాస్త జాగ్రత్త వహించి, వీలైనంత సమయం ఒకరికొకరు కలిసికట్టుగా వుంటూ, ప్రేమను పంచుకోవాలి.
అలాగే ఆర్థిక సమస్యలు కూడా భార్యాభర్తలు దూరం అవడానికి దారితీస్తాయి. తరుచుగా డబ్బు గురించి వాగ్వాదానికి, వాదనలకు దిగడం జరిగితే.. అప్పుడు మీమధ్య వున్న సఖ్యత తగ్గుతుంది.
ఇటీవల కాలంలో అయితే.. ఖర్చులు మరీ ఎక్కువయిపోతున్నాయి. నియంత్రణ లేకుండా ఖర్చులు చేస్తుంటారు. ఆర్థిక బాధ్యతలు లేకపోవడం వల్ల సమస్యలు తీవ్రస్థాయికి తీసుకెళతాయి. ఇద్దరి మధ్య వున్న ఆనందాన్ని ముక్కలు చేసి చివరకు విడాకులకు దారితీస్తాయి.
కొత్తగా పెళ్లయిన జంటల మధ్య పెద్దపెద్ద తప్పులు కూడా చాలా చిన్నవిగా కనిపిస్తాయి. చాలావరకు వాటిని నిర్లక్ష్యం చేస్తారు కూడా. కానీ వాస్తవిక జీవితంలో అడుగుపెట్టిన తరువాత ఆ చిన్న తప్పులే ప్రమాదానికి కారకులవుతాయి.
దీంతో ఇద్దరి మధ్య అహంకార భావం పెరిగిపోతుంది. ఘర్షణలు కూడా ఎక్కువయిపోతాయి. ఒకరిమీద ఒకరు ఎగతాళి చేసుకుంటూ, దుమ్మెత్తి పోసుకుంటుంటారు. అప్పుడు ఒకరినొకరు అర్థం చేసుకోకుండా, భావోద్వేగాలకు గురి అయి విడిపోవడం జరుగుతుంది.
పెళ్లయిన తరువాత సాధ్యమైనంతవరకు భార్యాభర్తలు కలిసివుండడానికి ఎక్కువ సమయాన్ని కేటాయించుకోవాలి. అలాకాని వ్యవధిలో ఒకరిమీద ఇంకొకరికి ప్రేమ అనేది వుండదు.
అటువంటి సందర్భాలలో కొన్ని జంటలు ఇతరులతో సంబంధాలు పెట్టుకుంటారు. జీవిత భాగస్వామిని మోసం చేస్తూ, ఇతరులతో శారీరక సంబంధాలు పెట్టుకుంటారు. వివాహ బంధానికి సంబంధించినంతవరకు ఇలా చాలా ఘోరమైన పరిణామం.
ఇటువంటి సందర్భాలో అనేకజంటలు విడాకులను కోరుకుంటారు. ఇటువంటి సంఘటనలు అయితే మన సమాజంలో పెచ్చుమీరిపోతున్నాయి. ఒకరిమీద ఒకరికి నమ్మకం వుండకపోవడం ఇలాంటి పరిస్థితులకు దారితీస్తుంది.
మామూలుగా పెళ్లయిన అమ్మాయికి నిజమైన జీవితం మొదలయ్యేది అత్తమామల ఇంటిలోనే. కోడలిగా తన బాధ్యతలు పూర్తిచేయకపోతే అత్తమామల నుండి ఒత్తిడి కూడా ఎక్కువవుతుంది.
ఇటువంటి పరిస్థితులను తట్టుకోని అమ్మాయిలు విడాకులను కోరుకోవడం జరుగుతుంది. అదే విధంగా అత్తమామలు కూడా భార్యాభర్తల మధ్య విడాకులు తీసుకోవడానికి కారకులు అవుతారు.
ఎందుకంటే.. భార్యాభర్తల మధ్య వున్న చిన్నచిన్న సంఘటనలకు అత్తమామలు జోక్యం చేసుకోవడం వల్ల అవి మరింత పెద్దవిగా మారుతాయి. అప్పుడు వారివల్ల భార్యాభర్తల మధ్య దూరం పెరిగి, విడాకులకు దారితీస్తుంది.
కొందరైతే ఒకరినొకరు ఎలా గౌరవించుకోవాలో కూడా తెలియక చాలా సమస్యలు ఎదుర్కొంటుంటారు. భార్య, తన భర్తను సరిగ్గా పట్టించుకోకపోవడం, ఒకరినొకరు అర్థం చేసుకోకపోవడం కూడా విడాకులకు కారణం అవుతుంది.
అలా వుండడం వల్ల వారి మధ్య శారీరక సంబంధం కాని, ఇద్దరి మధ్య ప్రేమగానీ వుండదు. అలాగే నమ్మకం అన్నది చాలా ముఖ్యం. ఒకరిమీద ఇంకొకరు అనవసరంగా అనుమానాలను పెంచుకోకుండా, కలిసిమెలిసి మెలగాలి.
అదేవిధంగా చాలావరకు జంటలు తమ లక్ష్యాలకు సాధించుకోవడానికి తమ దాంపత్య జీవితాన్ని దూరం చేసుకుంటున్నారు. ఉద్యోగస్తులకు పోస్టింగ్ తరుచుగా మారుతుంటుంది. ఒక నగరం నుండి మరో నగరానికి మకాం మార్చాల్సి వుంటుంది.
అలాగే దూరప్రయాణాలు చేయడం వల్ల ఇద్దరు ఎక్కువ సమయం గడపడానికి వీలుగా వుండదు. అప్పుడు అనేక సమస్యలకు దారితీస్తుంది.
ఇలా ఈ విధంగా పెళ్లయిన జంటలు తమ జీవితాలను నాశనం చేసుకుంటున్నారు.
(And get your daily news straight to your inbox)
Jun 04 | సంసార సాగరంలో దంపతుల మధ్య అప్పుడప్పుడు కోపతాపాలు రావడం సర్వసాధారణం. అందుకని వాటిని పదే పదే ఆలోచించుకుంటూ పోతే.. జీవితమే బోరింగ్గా ఉంటుంది. అందుచేత భార్య భర్తపై కోప్పడినా, భర్త భార్యపై కోప్పడినా.. కాస్త... Read more
Jun 03 | కొందరు వ్యక్తులు అధిక కొలెస్ట్రాల్ సమస్యతో బాధపడుతుంటారు. దీనికి సంబంధించి ఆరోగ్య చిట్కాలు పాటించకుంటే.. ఊబకాయంతోపాటు గుండె సంబంధిత వ్యాధులు తీవ్రమవుతాయి. ఇంకా ఇతర హానికారక వ్యాధులు సంభవించే అవకాశముంది. ఇలా కాకుండా కొలెస్ట్రాల్... Read more
May 28 | ఉద్యోగస్తులు టీ బ్రేక్ సమయంలో రకరకాల స్నాక్స్ తీసుకుంటుంటారు. చాలామంది స్నాక్స్ గా బిస్కెట్లు, బర్గర్లు, ఇంకా ఇతర జంక్ ఫుడ్లు తీసుకుంటారు. అయితే.. వాటిని ప్రతిరోజూ తీసుకుంటే మాత్రం ఆరోగ్య సమస్యలు తప్పవు.... Read more
May 27 | ఆరోగ్యాన్ని మెరుగుపరిచే పోషకాహారాల్లో పనసపండు ఒకటి! ఇందులో మానవ శరీరానికి కావలసిన పోషకాలు పుష్కలంగా వుంటాయి. అవి.. శరీరంలో శక్తిని పెంచి, వివిధరకాల వ్యాధుల నుంచి ఉపశమనం కలిగించడంలో సమర్థవంతంగా పనిచేస్తాయి. ఇంతకీ.. ఈ... Read more
May 25 | సాధారణంగా ప్రకృతి సహజంగా లభించే పండ్లలో పోషక విలువలు అధికంగా వుంటాయి. అలాంటి పండ్లలో లిచీ ఫ్రూట్ కూడా ఒకటి! ఇందులో ఎన్నో పోషకాలు, మినరల్స్ వుంటాయి. అవి.. ఆరోగ్యాన్ని మెరుగుపర్చడంలో సమర్థవంతంగా పనిచేస్తాయి.... Read more