టీమిండియా క్రికెటర్లు. విడుదలకాని చిత్రం చూసారు..

Posted: 09/25/2015 05:58 PM IST

Team india saina nehwal watched kapil sharma s kkpk

అక్టోబర్ 2 నుంచి ప్రారంభం కానున్న దక్షిణాఫ్రికా సిరీస్ నేపథ్యంలో ముమ్మర ప్రాక్టీసు చేస్తున్న టీమిండియా ఆటగాళ్లు.. గత వారం రోజులగా ప్రాక్టీసులో నిమగ్నమయ్యారు. ఇప్పటికే వన్డే, ట్వంటీ20 జట్లను బీసీసీఐ ప్రకటించిన నేపథ్యంలో మైదానంలోకి దూకేసిన క్రికెటర్లు కఠోర సాధన చేస్తున్నారు. రెండు ఫార్మాట్ల కెప్టెన్ మహేంద్రసింగ్ ధోనీతో పాటు వైస్ కెప్టెన్ విరాట్ కోహ్లీ సహా జట్టుకు ఎంపికైన సభ్యులంతా బెంగళూరు చిన్నస్వామి స్టేడియంలో జరుగుతున్న ప్రాక్టీస్ సెషన్లకు క్రమం తప్పకుండా హాజరవుతు ప్రాక్టీసు చేస్తున్నారు.

అయితే నిన్న కాస్తంత సేద తీరని ఆటగాళ్లు.. విడుదల కాని ఓ బాలీవుడ్ చిత్రాన్ని వీక్షించారు. వీరితో పాటు భారత స్టార్ షెట్లర్ సైనా నెహ్వాల కూడా ఈ చిత్రాన్ని విడుదల కాకుండానే చేసింది. అదేంటి అంటున్నారా..? క్రీడాకారుల కోసం సినిమా నిర్మాత ఓ ప్రత్యేక షోను వేయించడంతో.. సినిమా ప్రీవ్యూను క్రీడాకారులు వీక్షించారు. ఇంతకీ అదేం సినిమా అంటారా..? కామెడీ నైట్స్ విత్ కపిల్ టీవీ షోతో సెలబ్రిటీగా మారిన కపిల్ శర్మ ప్రధాన పాత్రధారిగా బాలీవుడ్‌లో ''కిస్ కిస్ సే ప్యార్ కరూ'' చిత్రం రూపుదిద్దుకోవడంతో.. క్రీడాకారులందరూ ఈ చిత్రాన్ని చూసి ఎంజాయ్ చేశారు. ఈ చిత్రం నిర్మాణం పూర్తి చేసుకుని విడుదలకు సిద్ధంగా ఉంది. దీంతో బెంగళూరులో టీమిండియా క్రికెటర్ల కోసం చిత్ర నిర్మాతలు ఈ చిత్రం ప్రివ్యూను ప్రత్యేకంగా ఏర్పాటు చేశారు. ధోనీ సహా మిగిలిన క్రికెటర్లంతా ఈ సినిమాను చూసి బాగా ఎంజాయ్ చేశారు.

జి. మనోహర్