ఆర్సీబి బెంగళూరు జట్టులోకి ఫాస్ట్ బౌలర్..

Posted: 04/12/2019 07:33 PM IST

ఇండియన్ ప్రీమియర్ లీగ్‌లో రాయల్ ఛాలెంజర్స్ బెంగళూరు జట్టు వరుస ఓటములను చవిచూసింది. ఆడిన ఆరు మ్యాచుల్లో ఓడి.. విమర్శలు ఎదురుకుంటుంది. ఇక శనివారం కింగ్స్ ఎలెవన్ పంజాబ్‌తో జరిగే మ్యాచ్‌లోనైనా విజయం సాధించి.. ఈ సీజన్‌లో ఖాతా తెరవాలని కోహ్లీ సేన భావిస్తోంది. ఈ నేపథ్యంలో ఆర్‌సీబీకి మరింత బలం చేకూరింది. సౌతాఫ్రికా దిగ్గజ ఫాస్ట్ బౌలర్ డేల్ స్టెయిన్ ఆర్‌సీబీతో జతకట్టనున్నారు. గాయంతో బాధపడుతున్న ఆస్ట్రేలియా బౌలర్ నాతన్ కౌంటర్-నైల్ స్థానంలో స్టెయిన్ ఆర్‌సీబీలో చేరారు.
 
35 సంవత్సరాల ఈ సఫారీ బౌలర్ దాదాపు రెండు సంవత్సరాల విరామం తర్వాత ఆర్‌సీబీతో జతకట్టనున్నారు. చివరిగా ఆయన 2016లో గుజరాత్ లయన్స్ జట్టు తరఫున ఐపీఎల్‌లో పాల్గొన్నారు. 2008 ఐపీఎల్ ఆరంభ సీజన్‌లో స్టెయిన్ ఆర్‌సీబీ తరఫున ఆడారు. 2010 వరకూ అదే జట్టులో కొనసాగిన ఆయన 28 మ్యాచుల్లో 27 వికెట్లు తీశారు.