అభిమానిని ఆటపట్టించిన మిస్టర్ కూల్ ధోని

Posted: 03/19/2019 06:14 PM IST

ఇండియన్ ప్రీమియర్ లీగ్‌ 12వ సీజన్ కి అంతా సిద్ధమైంది. ఇప్పటికే ఆటగాళ్లు తమ హోం గ్రౌండ్ లు చేరుకొని ప్రాక్టీస్ ని ప్రారంభించారు. అయితే చెన్నై సూపర్ కింగ్స్ కెప్టెన్ ఎంఎస్ ధోనీ కూడా చెపక్ స్టేడియంలో జరిగిన ప్రాక్టీస్‌ మ్యాచ్ లో పాల్గొన్నాడు. దీంతో ధోనీని చూసేందుకు వచ్చిన అభిమానులతో స్టేడియం నిండిపోయింది. ఈ క్రమంలో ఓ అనూహ్య సంఘటన చోటు చేసుకుంది.

భద్రతా సిబ్బందిని దాటుకొని మైదానంలోకి ప్రవేశించిన ఓ అభిమానుల ధోనీ వద్దకు చేరుకున్నాడు. అయితే ధోనీ అతన్ని కాసేపు ఆటపట్టించాడు. జట్టు బౌలింగ్ కోచ్ లక్ష్మీపతి బాలాజీ వెనుక దాక్కొని అతనికి దొరకకుండా దాగుడు మూతలు ఆడాడు. వెంటనే తేరుకున్న సెక్యూరిటీ సిబ్బంది అతన్ని పట్టుకొన్నారు. ఆ తర్వాత అభిమాని వద్దకు చేరుకున్న ధోనీ.. అతనికి షేక్ హ్యాండ్ ఇచ్చి నవ్వుతూ అక్కడి నుంచి వెళ్లిపోయాడు. ఈ వీడియోని చెన్నై సూపర్ కింగ్స్ జట్టు తమ ఇన్‌స్టాగ్రామ్ ఖాతాలో పోస్ట్ చేసింది.