82 ఏళ్ల రికార్డును తిరగరాసిన పాక్ బౌలర్..

Posted: 12/06/2018 06:40 PM IST

క్రికెట్ లో రికార్డులు బ్రేక్ చేయడం కామన్. అయితే ఏకంగా 82 ఏళ్లనాటి రికార్డును బద్దులుకొట్టి చరిత్రను తిరగరాయడం అంటే మాత్రం ఆశామాషీ కాదు. ప్రపంచ క్రికెట్ లోని అనేకమంది మహామహులు ఈ రికార్డుకు చేరువైనా.. దానిని మాత్రం తిరగరాయలేకపోయారు. అలాంటిది ఈ రికార్డును సునాయాసంగా చేరకున్నాడు ఓ బౌలర్. చరిత్రను తిరగరాసిన ఈ బౌలర్ మరెవరో కాదు మన దాయాది దేశం పాకిస్తాన్‌ కు చెందిన లెగ్‌ స్పిన్నర్‌ యాసిర్ షా.  అత్యంత వేగవంతంగా రెండొందల టెస్టు వికెట్లు సాధించిన ఆటగాడిగా సరికొత్త రికార్డు సృష్టించాడు.

న్యూజిలాండ్‌ తో మూడో టెస్టులో భాగంగా రెండో ఇన్నింగ్స్‌ లో యాసిర్‌ షా ఈ ఘనతను సాధించాడు. న్యూజిలాండ్‌ ఆటగాడు విలియమ్‌ సోమర్‌ విల్లేను ఔట్‌ చేయడంతో యాసిర్‌ షా రెండొందల వికెట్‌ ను ఖాతాలో వేసుకున్నాడు. యాసిర్‌ షా 33వ టెస్టుల్లోనే రెండొందల వికెట్లు సాధించి, కొత్త అధ్యాయాన్ని లిఖించాడు. ఈ క్రమంలోనే 82 ఏళ్ల రికార్డును యాసిర్‌ షా బద్ధలు కొట్టాడు. 1936లో ఆసీస్‌ లెగ్‌ స్పిన్నర్‌ క్లారీ గ్రిమ్మెట్‌ రెండొందల వికెట్‌ ను 36వ టెస్టులో సాధించాడు.

ఇప్పటివరకూ ఇదే అత్యుత్తమం కాగా, దాన్ని యాసిర్‌ షా బ్రేక్ చేశాడు. న్యూజిలాండ్‌ తో మూడో టెస్టులో తొలి ఇన్నింగ్స్‌ లో మూడు వికెట్లు సాధించిన యాసిర్‌.. రెండో ఇన్నింగ్స్‌ లోనూ అదే తరహా ప్రదర్శన కొనసాగిస్తున్నాడు. నాల్గో రోజు ఆటలో ఇప్పటివరకూ రెండు వికెట్లను తీశాడు. అయితే ఈ రికార్డును బద్దలుకొట్టే అరుదైన ఛాన్స్‌ను అశ్విన్ చేజార్చుకున్నాడు. రెండేళ్ల క్రితం 200వ వికెట్ల క్లబ్‌లో చేరిన అశ్విన్.. 37 మ్యాచ్‌ల్లో ఈ ఫీట్ సాధించాడు.

Yasir Shah becomes the fastest to 200 Test wickets.

He traps nightwatchman Somerville in front and reaches the landmark in just his 33rd Test!

Congratulations!#PAKvNZ LIVE https://t.co/cS8PI6iRJl pic.twitter.com/mdtFVLaqOZ

— ICC (@ICC) December 6, 2018