కొడుకు సంబరపడటంతో ఉప్పోంగిన ధావన్

Posted: 10/27/2017 05:54 PM IST

భారత క్రికెట్‌ జట్టు ఓపెనర్‌ శిఖర్ ధావన్ భావోద్వేగానికి గురైన సంఘటన తాజాగా చోటుచేసుకుంది. తన కోసం వెతుకుతున్న తన కొడుకే ఆయనలో తెలయని అనందో ఉప్పోంగేందుకు కారణమైంది. సోషల్ మీడియాలో మీడియా ద్వారా తన కొడుకు తన కోసం వెతుకుతున్న వీడియోను గబ్బర్ తన అకౌంట్ లో పోస్టు చేయడంతో అది కాస్తా వైరల్ గా మారింది. ధావన్ అభిమానులు ఆయన వీడియోలను వీక్షించి కామెంట్లు పెడుతున్నారు.

భారత్‌-న్యూజిలాండ్ మధ్య పుణెలో జరిగిన రెండో వన్డే సందర్భంగా... మ్యాచ్ ప్రారంభానికి ముందు ఇరు జట్లు మైదానంలో జాతీయ గీతాన్ని ఆలపించాయి. ఆ సమయంలో ధావన్ కుమారుడు జొరావర్, తన తల్లి ఆయేషాతో కలిసి ఇంట్లో టీవీలో ప్రత్యక్ష ప్రసారాన్ని చూస్తూ ఉన్నాడు. ధావన్‌ కనిపించగానే జొరావర్‌ ‘అమ్మా.. నాన్నే కదా’ అని ప్రశ్నించాడు. వెంటనే ఆయేషా అవును అని సమాధానం ఇచ్చింది. ఇందుకు సంబంధించిన వీడియోను అభిమానులతో పంచుకున్న ధావన్‌.

టీవీలో టీమిండియా జట్టు కనిపించడంతో నా కుమారుడు జొరావర్ నేను ఎక్కడున్నానని వెతుక్కోవడం చూసి ఎంతో సంబరపడిపోయాను. ఆ దేవుని ఆశీస్సులతో పాటు నా ఆశీస్సులు అతనికి ఎల్లప్పుడూ ఉంటాయి. లవ్ యూ’ అని ధావన్ పేర్కొన్నాడు. కాగా ఈ వన్డేలో ధావన్ 68 పరుగులు చేసి, జట్టు విజయంలో కీలకపాత్ర పోషించాడు. ఇరు జట్ల మధ్య చివరి వన్డే కాన్పూర్ లో జరగనుంది.