దీపావళి సంబరాలలో మునిగిన క్రికెటర్లు

Posted: 11/01/2016 06:30 PM IST

పర్యాటక జట్టు న్యూజీలాండ్ తో మూడు టెస్టుల సిరీస్ క్లీస్ స్వీప్ చేసి, ఇటు ఐదు వన్డేల సిరీస్ ను కైవసం చేసుకున్న టీమిండియా క్రికెటర్లు.. వెనువెంటనే వచ్చిన దీపావళి పండుగ పర్వదినాన్ని బాగా ఎంజాయ్ చేస్తున్నారు. చాలా కాలం తరువాత కుటుంబ సభ్యులతో క్రికెటర్లు దీపావళి పండగను సెలబ్రేట్ చేసుకున్నారు. ఇక కొత్త పెళ్లికోడుకులు కూడా ఈ సరదాలు బాగానే అస్వాధించారు.

వరుస పర్యటనలు, సిరీస్ లతో తీరిక లేకుండా గడుపుతున్న క్రికెటర్లు ఇంగ్లాండ్ తో సుదీర్ఘ సిరీస్ లకు ముందు కాస్త విరామం లభించడంతో కుటుంబ సభ్యులతో హాయిగా గడుపుతున్నారు. టీమిండియా పరిమిత ఓవర్ల కెప్టెన్ ఎంఎస్ ధోని తన భార్య, కూతురు కలిసి దీపావళి సెలబ్రేట్ చేసుకున్నాడు. పండుగ సందర్భంగా తీసుకున్న ఫొటోను ధోని భార్య సాక్షి సోషల్ మీడియాలో పోస్ట్ చేసింది.

కాగా, అటు టీమిండియా ఓపెనర్ అజింక్యా రహానే తన భార్య దీపావళి పండగ సందర్భంగా వేసిన రంగోళి ముగ్గను ఇన్ స్టాగ్రామ్ పోస్టు చేసాడు. దీంతోనే తన సహచరులకు, అభిమానులకు దీపావళి శుభాకాంక్షలు తెలిపాడు. అంతేకాదు ఈ దీపావళి ఇంట్లో కుటుంబసభ్యులతో జరుపుకోవడం పట్ల ఆయన ఆనందం వ్యక్తం చేశాడు.  అటు కోత్త పెళ్లి కోడుడు రోహిత్ శర్మ కూడా పండగను బాగా సెలబ్రేట్ చేసకున్నాడు, వరుసగా ఐదు వారాలు మ్యాచ్ లు ఆడిన తర్వాత కుటుంబం, స్నేహితులతో గడిపేందుకు విరామం దొరికిందని రోహిత్ శర్మ పేర్కొన్నాడు.

కొత్త పెళ్లికోడుకు, వెటరన్ క్రికెటర్ల్ హర్భజన్, వీవీఎస్ లక్ష్మణ్ ట్విట్టర్ ద్వారా అభిమానులకు దీపావళి శుభాకాంక్షలు తెలిపాడు. స్నేహితులతో కలిసి టీమిండియా డాషింగ్ ఓపెనర్ వీరంద్ర సెహ్వాగ్ సరదాగా గడిపారు. ఇక తామకు భారతీయ సంస్కృతీ సంప్రదాయం అంటే ఇష్టమని విదేశీ క్రికెటర్లు కూడా చాటుకున్నారు. విదేశీ క్రికెటర్లు కూడా దీపావళి జరుపుకోవడం విశేషం. ఐపీఎల్ లో అందరి దృష్టిని ఆకర్షించిన వెస్టిండీస్ క్రికెటర్ కీరన్ పొలార్డ్ మరోసారి ప్రత్యేకత చాటుకున్నాడు. తన పిల్లలతో పాటు తాను కూడా భారతీయ సంప్రదాయ దుస్తులు ధరించి పండగ చేసుకున్నాడు. తన భార్య, పిల్లలతో కలిసి ఉత్సాహంగా దీపావళి జరుపుకున్నామని వెల్లడించాడు.