చివరి వన్డే టార్గెట్ 304

Posted: 01/31/2014 11:26 AM IST

న్యూజిలాండ్ వన్డే సిరీస్ లో ఒక్క మ్యాచ్ అయినా గెలిచి పరువు నిలుపుకోవాలని చూస్తున్న భారత్ ఆశలు నెరవేరేట్లుగా కనిపించడం లేదు. నేడు వెల్లింగ్టన్ లో ఈ రెండు జట్ల మధ్య జరుగుతున్న ఐదో వన్డేలో న్యూజిలాండ్ బ్యాట్స్ మెన్స్ భారత బౌలర్లను ఉతికి ఆరేసి భారీ స్కోరు సాధించారు. టాస్ గెలిచిన ఇండియా కివీస్ ను బ్యాటింగ్ కి ఆహ్వానించింది. కివీస్ 50 ఓవర్లలో 5 వికెట్లు కోల్పోయి 303 పరుగులు చేసింది. టీమిండియాకు 304 పరుగుల విజయ లక్ష్యాన్ని నిర్దేశించింది.

41 పరుగులకే 2 వికెట్లు కోల్పోయిన కివీస్ను విలియమ్సన్, రాస్ టేలర్ ఆదుకున్నారు. టేలర్(102) సెంచరీ, విలియమ్సన్(88) అర్థ సెంచరీ సాధించారు. వీరిద్దరి భాగస్వామ్యాన్ని విడదీయడానికి భారత బౌలర్లు నానా తంటాలు పడ్డారు. ఆ తరువాత వచ్చిన నీషమ్ 34, గుప్తిల్ 16, రైడర్ 17, రోంచి 11 పరుగులు చేశారు. భారత బౌలర్లలో ఆరోన్ 2 వికెట్లు పడగొట్టాడు. మహ్మద్ షమీ, భువనేశ్వర్ కుమార్, విరాట్ కోహ్లి తలో వికెట్ తీశారు.