ఆ విషయంలో అమ్మాయిలే నయం : ధోని

Posted: 12/18/2013 11:42 AM IST

టీం ఇండియా కెప్టెన్ మహేంద్ర సింగ్ ధోని భారత జట్టు సభ్యుల పై ఓ ఆసక్తికర వ్యాఖ్య చేశాడు. మేకప్ విషయంలో ‘మా వాళ్ళ కంటే.... అమ్మాయిలే నయం...’  ప్రస్తుతం దక్షిణాఫ్రికా టూర్లో ఉన్న జట్టు నేటి నుండి టెస్టు సిరీస్ ఆడటానికి సిద్దం అవుతుంది.

ఈ నేపథ్యంలో నిన్న రాత్రి భారత క్రికెట్ సభ్యులకు భారత హై కమీషనర్ వీరేంద్ర గుస్తా ఇచ్చిన విందుకు హాజరయ్యారు. ఈ సందర్భంగా ధోని అక్కడి వారితో.. ఎక్కడికైనా పార్టీకి వెళ్ళాళంటే... అమ్మాయిలు ఎక్కువ సమయం తీసుకుంటారని అందరూ అనుకుంటారు. కానీ మా టీమ్‌లో కొందరు ఆటగాళ్లకంటే ఆడపిల్లలే నయం. మేకప్ కోసం వాళ్లు ఎంతో సమయం తీసుకుంటారు.

కొందరు హెయిర్ జెల్ లేకుండా బయటికి రాకుంటే మరి కొందరేమో సన్‌స్క్రీన్, షవర్ జెల్ లేకుండా అడుగు పెట్టరు ’ అని అనడమే కాకుండా.... ‘మేం భారతీయులమైనా తక్కువ తినే రకం కాదు. మాలో చాలా మందికి మూడు, నాలుగు సార్లు వడ్డించాల్సిందే ’ అని అనడం తో అక్కడి సర్వర్ లు ఒక్కసారిగా నవ్వారు. ఈ మాటలు విన్న జట్టు సభ్యులు ఎంత సరదాగా అన్న మాగురించి ఇలా చెప్పాలా ? అని నసుక్కున్నారట.