దేశవాళీకి గుడ్ బై చెప్పేశాడు

Posted: 10/30/2013 09:15 PM IST

Sachin tendulkar bids adieu to domestic cricket in style

క్రికెట్ లో సుదీర్ఘంగా కాలంగా ఓ వెలుగు వెలుగుతూ ఎన్నో రికార్డులను క్రియేట్ చేస్తూ వస్తున్న మాస్టర్ బ్లాస్టర్ సచిన్ టెండూల్కర్ ఒక్కొక్క ఫార్మాట్ కి వీడ్కోలు పలుకుతూ వస్తున్న విషయం తెలిసిందే. మొదట వన్డేలకు, ఆ తరువాత టి 20 అన్ని ఫార్మాట్లకు, టెస్టులకు కూడా గుడ్ బై చెప్పిన సచిన్ నేడు దేశవాళీ క్రికెట్ కి గ్రాండ్ గుడ్ బై చెప్పేశాడు. హర్యానా తో జరుగుతున్న మ్యాచ్ లో నాలుగో రోజు ఆటలో విజయానికి 39 పరుగులు కావాల్సి ఉండగా, సచిన్ 55 పరుగులతో ఇన్నింగ్స్ ప్రారంభించారు.

సచిన్ కు తోడుగా ఉన్న ధావల్ కులకర్ణి.. మోహిత్ శర్మ బంతిని బౌండరీకి తరలించడంతో విజయం ముంబై పక్షాన నిలచింది. దాంతో సచిన్ క్రికెట్ కెరీర్ లో చివరి మ్యాచ్ కావడంతో ముంబై జట్టు మాస్టర్ కు బహుమతిగా ఇవ్వాలనే కోరిక సాకారమైంది. చివరి మ్యాచ్ లో సచిన్ 79 పరుగులతో నాటౌట్ గా నిలువడం అభిమానుల్లో ఆనందాన్ని నింపింది. దేశవాళీ క్రికెట్ లో చిట్టచివరి మ్యాచ్ మ్యాచ్ ని గ్రాండ్ గా ముగించడంతో అభిమానుల్లో ఆనందం వెల్లి విరిసింది.