మాస్టర్ ని మొదటి బాల్ కే పంపించేస్తాం

Posted: 10/29/2013 02:51 PM IST

We want sachin tendulkar out first ball sammy

వచ్చే నెలలో వెస్టిండీస్ తో జరగనున్న టెస్టు మ్యాచ్ తరువాత సచిన్ క్రికిట్ కి పూర్తిగా వీడ్కోలు పలకబోతున్న విషయం తెలిసిందే. తన సొంత మైదానంలో చివరి టెస్టు ఆడటం గొప్ప అనుభూతిగా సచిన్ ఫీలయితే... అదే సొంత మైదానంలో చివరి టెస్టులో బౌలర్ చివరి సారిగా ఈయన్ను అవుట్ చేస్తే... ఇంకెంతో గొప్ప అనుభూతిగా ఫీలవుతాడు. W

ఇప్పుడు ఇలానే ఫీలవుతున్నారు విండీస్ క్రికెటర్లు. టెస్టు సిరీస్ ఆడటానికి మన దేశానికి చేరుకున్న తరువాత ఆ జట్టు కెప్టెన్ సామీ మాట్లాడుతూ... మాస్టర్ బ్లాస్టర్ సచిన్ చివరి టెస్టులో ప్రత్యర్థులుగా ఆడటం తమకు గర్వకారణంగా ఉందని, అయితే అతడిని తొలి బంతికే అవుట్ చేయాలనే కోరిక కూడా ఉందని, మాస్టర్‌ను అవుట్ చేయాలని మా జట్టులో ప్రతి బౌలర్ తహతహలాడుతున్నారని, ఈ టెస్టు సిరీస్ గెలవడానికి శాయశక్తుల కష్టపడతామని సామీ తెలిపాడు.

సచిన్ ఎంతోమందితో పాటు తనకు కూడా హీరోనే అని చెప్పాడు. సచిన్ పలకరిస్తేనే పొంగిపోతారని, కనిపించిన ప్రతి ఒక్కరినీ గుడ్‌మార్నింగ్ అంటూ విష్ చేసే గొప్ప వ్యక్తని మాస్టర్‌ను పొగడ్తల్లో ముంచెత్తాడు. 2011లో సచిన్ వందో సెంచరీ కోసం అందరూ ఎదురుచూస్తున్న సమయంలో వెస్టిండీస్ షాక్ ఇచ్చింది. 94 పరుగుల వ్యక్తిగత స్కోరు వద్ద సచిన్ ఇచ్చిన క్యాచ్‌ను స్యామీ అందుకుని యావత్ భారతదేశాన్ని నిరాశపరిన సంగతి గుర్తుండే ఉంటుంది.