శ్రీని కి గ్రీన్ సిగ్నల్ ఇచ్చిన సుప్రీం

Posted: 10/09/2013 01:25 PM IST

Sc clears srinivasan return as bcci president

అల్లుడు చేసిన నేరానికి మామ శిక్ష అనుభవించినట్లుంది బీసీసీఐ శ్రీనివాసన్ పని. బీసీసీఐ అధ్యక్షుడు అయిన శ్రీనివాసన్ తన అల్లుడు గురునాథన్ మెయ్యప్పన్, రాజస్థాన్ రాయల్స్ మీద వచ్చిన బెట్టింగ్ వ్యవహారానికి సంబంధించిన ఆరోపణల కారణంగా గత కొంత కాలంగా బోర్డు బాధ్యతలకు దూరంగా ఉంటున్న శ్రీనివాసన్ కి అధ్యక్ష పదవి చేపట్టేందుకు సుప్రీం కోర్టు గ్రీన్ సిగ్నల్ ఇచ్చింది. గత నెల 29న ఏజీఎంలో మరో ఏడాదిపాటు ఆయన బోర్డు అధ్యక్షుడిగా ఏకగ్రీవంగా ఎన్నికయ్యారు.

అయితే ఆయనకు వ్యతిరేకంగా బీహార్ క్రికెట్ అసోసియేషన్ (సీఏబీ) కేసు వేయడంతో తీర్పు వచ్చేదాకా పదవికి దూరంగా ఉండాలని సుప్రీం కోర్టు ఆదేశాల మేరకు బాధ్యతలకు దూరంగా శ్రీనివాసన్ ఐపీఎల్ వ్యవహారాల్లో తలదూర్చకుండా బోర్డు అధ్యక్షుడిగా తన విధులు నిర్వర్తించుకునేందుకు జస్టిస్ ఏకే పట్నాయక్, జేఎస్ కేహర్‌తో కూడిన బెంచ్ తీర్పును వెలవరించడంతో శ్రీనివాసన్ కి ఊపిరి సడలినట్లయింది. దాదాపు నాలుగు నెలల అనంతరం ఆయన బోర్డు కార్యకలాపాల్లో పాల్గొనేందుకు మార్గం సుగమమైంది. ఇక స్పాట్ ఫిక్సింగ్ వ్యవహారానికి సంబంధించి విచారణ చేపట్టేందుకు ముగ్గు సభ్యులతో కూడిన కమిటీని నియమించింది.

కమిటీకి హర్యానా, పంజాబ్ ప్రధాన న్యాయమూర్తి ముకుల్ ముద్గల్ నేత్రుత్వంలో అదనపు సోలిసిటర్ జనరల్ ఎస్. నాగేశ్వర్ రావు, అస్సాం క్రికెట్ సంఘం సభ్యుడు నిలయ్ దత్తా సభ్యులుగా నియమించింది. నివేదికను నాలుగు మాసాల్లో కోర్టుకు సమర్పించాలని, విచారణలో జోక్యం చేసుకోరాదని, కమిటీకి సహకరించాలని ఆదేశించింది. ఆరోపణల పై కమిటీ విచారణ జరుపుతుందని తెలిపింది.