గుత్తా జ్వాలాకు కోపం వచ్చింది

Posted: 08/27/2013 11:56 AM IST

ప్రముఖ క్రీడాకారిణి కమ్ సినిమా హాట్ స్టార్ అయిన గుత్తా జ్వాలకు ఈ మధ్య కాలం కలిసి రావడం లేదు. ఆ మధ్య ఐబీఎల్ వేలం దగ్గరి నుండి అన్నీ కష్టాలే. వేలంలో తక్కువ ధరకు అమ్ముడు పోయిన జ్వాలా ఐబీఎల్ నిర్వాహకుల పై మండిపడి, తన ఆక్రోశాన్ని వెల్లగక్కింది. తరువాత సౌకర్యాలు లేవని మరోసారి వార్తల్లో నిలిచింది. మళ్లీ ఎప్పుడు జ్వాలా పేరు వార్తల్లో నిలిచే సంఘటన మరోకటి జరిగింది. బెంగళూరులోని శ్రీ కంఠీరవ స్టేడియంలో మొన్న బంగా బీట్స్‌తో జరిగిన మిక్స్‌డ్ డబుల్స్ మ్యాచ్ సందర్భంగా అక్కడి అభిమానులు జ్వాలపై అసభ్యకర వ్యాఖ్యలు చేశారు. దీంతో ఈ హైదరాబాదీ క్రీడాకారిణి తీవ్ర మనస్తాపం చెందింది. దీని పై మ్యాచ్ అనంతరం స్పందించిన జ్వాలా తన బాధను చెప్పుకుంటూనే సదరు వ్యక్తుల పై ఐబీఎల్ నిర్వాహకులకు ఫిర్యాదు చేయదలుచుకోలేదని స్పష్టం చేసింది. ఈ సంఘటన పై లెక్చరర్ కూడా దంచింది. ఈ వ్యవస్థలో మహిళల పట్ల గౌరవం పెరిగేలా చర్యలు తీసుకోవాల్సిన అవసరం ఉందని జ్వాలా చెప్పింది.