కోహ్లీ రాయుడు అదరగొట్టారు

Posted: 07/24/2013 10:45 PM IST

ఐదు వన్డేల ‘సిరీస్‌ సెల్‌కాన్ కప్ ’లో భాగంగా నేడు జింబాబ్వే, భారత్‌ల మధ్య జరిగిన తొలి వన్డే మ్యాచ్‌లో జింబాబ్వేపై భారత్ 6 వికెట్ల తేడాతో ఘన విజయాన్ని సాధించింది. భారత బ్యాట్స్ మెన్స్ విరాట్ కోహ్లీ సెంచరీతో , తెలుగు తేజం అంబటి రాయుడు హాఫ్ సెంచరీతో రాణించడంతో టీమిండియా 44.5 ఓవర్లలో 4 వికెట్లు కోల్పోయి అధిగమించింది. ఈ విజయంతో ఐదు వన్డేల సిరీస్‌లో భారత్ 1-0 ఆధిక్యంలో నిలించింది. మొదట టాస్ గెలిచిన భారత్ ఫీల్టింగ్ ఎంచుకుంది. జింబాబ్వే నిర్ణీత 50 ఓవర్లలో 228 పరుగులు చేసి 7 వికెట్లు కోల్పోయింది. జింబాబ్వే ఆటగాళ్లలో సిందకర్ రాజా 82, చిగుంబుర 43, సిబాంద 34, విలియమ్స్ 15 పరుగులు చేశారు. ఓపెనర్లు విసు సిబంద, సికిందర్ రజా శుభారంభాన్నే ఇచ్చినా జట్టు భారీ స్కోరు చేయడంలో విఫలమయ్యారు. భారత బౌలర్లలో అమిత్ మిశ్రా 3 వికెట్లు పడగొట్టాడు. వినయ్ కుమార్, మహ్మద్ షమీ, ఉనాద్కత్, రైనా కట్టడిగా బౌలింగ్ చేయడంతో తక్కువ స్కోరుకే నిలువరించగలిగారు.

జింబాబ్వే నిర్దేశించిన 229 పరుగుల లక్ష్యాన్ని భారత్ 44.5 ఓవర్లలో కేవలం 4 వికెట్లు కోల్పోయి ఛేదించింది. కెప్టెన్ విరాట్ కోహ్లి 115, అంబటి రాయుడు 63 (నాటౌట్) పరుగులతోనూ భారత విజయంలో కీలక పాత్ర పోషించారు. రోహిత్ శర్మ 20, శిఖర్ దావన్ 17 పరుగులు చేశారు. జింబాబ్వే బౌలర్లలో ఉత్సేయ 2 వికెట్లు తీయగా, జార్విస్, చిగుంబుర తలో వికెట్ పడగొట్టారు. సెంచరీతో అద్భుత ప్రదర్శనను కనబర్చిన కెప్టెన్ విరాట్ కోహ్లికి 'మ్యాన్ ఆఫ్ ది మ్యాచ్' అవార్డు లభించింది.