కుర్రాళ్లు గెలుస్తారా ? పాత సీన్ రిపీట్ చేస్తారా ?

Posted: 07/24/2013 12:27 PM IST

జింబాబ్వే జట్టు ఎప్పుడో క్రికెట్ లోకి అడుగు పెట్టి సీనియర్ జట్లలో ఒకటిగా ఉన్నా, ఆట పరంగా మాత్రం ఎప్పుడూ వెనబడి పనికూనగా ముద్రవేసుకొని నెంబర్ పదో స్థానంలో కొనసాగుతుంది. ఇక నెంబర్ వన్ టీంగా ఎదిగిన మన టీం ఇండియా ఈ మధ్య వరుస విజయాలతో మంచి ఊపులో ఉంది. ఈ రెండు జట్లు నేటి నుండి సెల్ కాన్ కప్పు కోసం తలపడబోతున్నాయి. దాదాపు మూడేళ్ళ క్రితం జింబాబ్వే పర్యటన చేసిన టీం ఇండియా మళ్ళీ ఇప్పుడు అక్కడ ఆడబోతుంది. కోహ్లీ సారధ్యంలో టీం ఇండియా పనికూనను ఎదుర్కోవడానికి సిధ్దం అయింది. ఇక ఆ జట్టు కూడా ఛాంపియన్స్ జట్టును ఎదుర్కోవడానికి అన్ని విధాల సిద్ధం అయింది. ఐదు వన్డేల టోర్నీలో నేడు తొలి మ్యాచ్ ఆడబోతుంది. ఇంత వరకు బాగానే ఉన్నా టీం ఇండియా జట్టులో మొత్తం యువ రక్తమే ఉంది. విదేశీ గడ్డ పై వీరికి పెద్దగా అనుభవం లేదు. గతంలో పసికూనే కదా అని లైట్ తీసుకుంటే ఏకంగా ట్రై సిరీస్ లో ఫైనల్ చేరకుండా అడ్డుకొని ఇంటికి పంపించింది జింబాబ్వే. మరి ఇప్పుడు కూడా అలాంటిది రిపీట్ కాకుండా కోహ్లీ అండ్ కో కాస్తంత జాగ్రత్తగా ఉంటే మంచిది.