రాజస్థాన్ చేతిలో కోల్ కత్తా చిత్తు

Posted: 04/09/2013 10:31 AM IST

ఐపీఎల్ సీజన్ - 6 ఆరంభ మ్యాచ్ లో డిపెండింగ్ ఛాంపియన్ అయిన కోల్ కత్తా నైట్ రైడర్స్ ఘన విజయం సాధించి ఐపీఎల్ కి గ్రాండ్ వెల్ కమ్ చెప్పింది. కానీ రెండో మ్యాచ్ లో తన హవాని కొనసాగించలేక చితికల పడింది. నిన్న రాత్రి రాజస్థాన్ రాయల్స్ తో జరిగిన మ్యాచ్ లో ఓటమి పాలైంది. ఐపీఎల్‌లో లోప్రొఫైల్ జట్టు రాజస్థాన్ రాయల్స్ వరుసగా రెండో మ్యాచ్‌లోనూ హై వోల్టేజ్ ప్రదర్శనతో అదరగొట్టింది.. టాస్ గెలిచి ఫీల్టింగ్ ఎంచుకున్న కోల్ కత్తా నైట్ రైడర్స్  రాజస్థాన్ బ్యాట్స్ మెన్స్ ని ఏ మాత్రం కట్టడి చేయలేక పోయింది. రహానే, బ్రాడ్ హెడ్జ్ మెరుపు బ్యాటింగ్ కి రాజస్థాన్ రాయల్స్  20 ఓవర్లలో 144 పరుగులు చేసింది. అనంతరం 145 పరుగుల విజయ లక్ష్యంతో బరిలోకి దిగిన కోల్‌కతా ఆదిలోనే తడబడి బిస్లా (1), కల్లీస్‌ (0)ల వికెట్లను కోల్పోయింది. అనంతరం తివారీ (14)తో కలిసి కొంత నిలకడగా ఆడిన గంభీర్‌ వ్యక్తిగత 22 పరుగులు జత చేసి ఆదుకునే ప్రయత్నం చేశాడు. ఈ క్రమంలో శుక్లా, కూపర్‌లు వెంటవెంటనే గంభీర్‌, పఠాన్‌ వికెట్లను పడగొట్టి రైడర్స్‌ను కష్టాల్లోకి నెట్టారు. ఓ క్రమంలో 56 పరుగులకే కీలకమైన 6 వికెట్లు కోల్పోయిన కోల్‌కతా మరో 69 పరుగుల తేడాతో మిగిలిన నాలుగు వికెట్లను కోల్పోయి చివరి ఓవర్‌ మిగిలి ఉండగానే కుప్పకూలింది. దీంతో రాయల్స్‌కు 19 పరుగుల తేడాతో విజయం దక్కింది. కీలకమైన సమయంలో వికెట్లు పడగొట్టి జట్టు విజయంలో కీలక పాత్ర పోషించిన త్రివేదికి మ్యాన్‌ ఆఫ్‌ ది మ్యాచ్‌ అవార్డు దక్కింది. రుసగా రెండో విక్టరీని నమోదు చేసుకొని పాయింట్ల పట్టికలో అగ్రస్థాయంలో నిలిచింది.