సన్ రైజర్స్ హైదరాబాద్ సూపర్ విజయం

Posted: 04/08/2013 11:32 AM IST

ఐపీఎస్ సీజన్ - 6లో హైదరాబాద్ తన హవాని కొనసాగిస్తుంది. ఆడిన రెండు మ్యాచ్ లలో ప్రత్యర్థులను చిత్తు చేసి హైదరాబాద్ అభిమానులను  అలరిస్తున్నారు. నిన్న రాత్రి బెంగుళూరు రాయల్ ఛాలెంజర్స్ తో జరిగిన మ్యాచ్ లో సూపర్ ఓవర్ లో  సన్ రైజర్స్ సూపర్ విజయం సాధించింది. చివరి వరకు ఉఠ్కంటగా సాగిన ఈ మ్యాచ్ అభిమానులకు మంచి వినోదాన్ని పంచింది. టాస్‌నెగ్గి మొదట బ్యాటింగ్‌ చేసిన రాయల్‌ చాలెంజర్స్‌ బెంగళూరు జట్టు 8 వికెట్లు కోల్పోయి130 పరుగులు చేసింది. 131 పరుగుల విజయలక్ష్యంతో బరిలోకి దిగిన సన్‌రైజర్స్‌ నిర్ణీత 20 ఓవర్లలో 130 పరుగులు చేయడంతో మ్యాచ్‌ టై అయింది.కాగా ఫలితం తేల్చేందుకు సూపర్‌ ఓవర్‌ పద్ధతిని అమలుచేశారు. ఇందులో హైదరాబాద్ జట్టు విజయం సాధించింది. సూపర్‌ఓవర్‌లో సన్‌రైజర్స్‌ జట్టు 20 పరుగులు స్కోరు చేయగా 21 పరుగుల లక్ష్యంతో బరిలోకి దిగిన గేల్స్‌, కోహ్లి జంట కేవలం 15 పరుగులు మాత్రమే చేయగలిగింది.

బెంగుళూరు జట్టులో క్రిస్ గేల్ (1) పరుగుకే అవుట్ అవ్వడంతో తరువాత వచ్చిన విరాట్ కోహ్లీ విరాట్ కోహ్లి (44 బంతుల్లో 46; 5 ఫోర్లు, 1 సిక్స్), హెన్రిక్స్ (40 బంతుల్లో 44; 5 ఫోర్లు) ఆ జట్టుకు గౌరవప్రదమైన స్కోరు అందించారు. ఇషాంత్ 27 పరుగులిచ్చి 3 వికెట్లు పడగొట్టాడు. అనంతరం సన్‌రైజర్స్ 20 ఓవర్లలో 7 వికెట్లకు 130 పరుగులే చేసింది. హనుమ విహారి (46 బంతుల్లో 44 నాటౌట్; 2 ఫోర్లు) టాప్ స్కోరర్‌గా నిలవగా, అక్షత్ రెడ్డి (21 బంతుల్లో 23; 2 ఫోర్లు) రాణించాడు. ఉనాద్కట్, హెన్రిక్స్ చెరో 2 వికెట్లు పడగొట్టారు.