Posted: 04/01/2013 10:43 AM IST

గత ఐపీఎల్ సీజన్ లో  కోల్‌కతా నైట్‌రైడర్స్ జట్టు యజమాని షారుఖ్ ముంబై వాంఖడే స్టేడియం భద్రతా సిబ్బంది, అధికారులతో గొడవ పడిన విషయాన్ని ముంబై క్రికెట్ అసోషియేషన్ సీరియస్ గా తీసుకొని కోర్టుకు వెళ్లడమే కాకుండా, అతను ఆ స్టేడియంలోకి ఐదేళ్ళ వరకు రాకుండా నిషేదం విధించిన విషయం తెలిసిందే. అయితే మరో రెండు రోజుల్లో ప్రారంభం కానున్న ఐపీఎల్ సీజన్ సందర్భంగా షారుఖ్‌ను స్టేడియం ఆవరణలోకి రానీయొద్దంటూ లీగ్ అధికారుల నుంచి భద్రతాధికారులకు ఆదేశాలు వచ్చినట్టు సమాచారం. దీంతో వచ్చే నెల7న ముంబై ఇండియన్స్‌తో కోల్‌కతా మ్యాచ్‌ను తిలకించేందుకు అతడికి అనుమతి ఉండదు. ఇప్పటికే షారుఖ్‌పై నిషేధం గురించి ఐపీఎల్ అధికారులకు, ఫ్రాంచైజీ యాజమాన్యాలకు చెప్పాం ’ అని ఎంసీఏ సంయుక్త కార్యదర్శి నితిన్ దలాల్ తెలిపారు.