Posted: 03/29/2013 01:03 PM IST

క్రికెట్ అభిమానులకు  ఐపిఎల్ ఫివర్ పట్టుకుంది. ఏప్రిల్ 3 నుండి మొదలయ్యే  ఐపీఎల్-6కు అన్ని జట్టులు రెఢీ అవుతున్నాయి.  అయితే ఐపీఎల్-6పై  అన్ని జట్టుల క్రికెట్ ఆటగాళ్లు ఎన్నో ఆశలు పెట్టుకున్నారు. కొన్ని లక్ష్యలను ముందుగానే  పెట్టుకోవటం జరుగుతుంది. అయితే  మాష్టర్ బ్లాస్టర్ సచిన్  మాత్రం ఇప్పటి వరకు ఎలాంటి  గోల్ పెట్టుకోలేదని  చెబుతున్నారు.   ఓ సీనియర్ బ్యాట్స్‌మన్‌గా ముంబై ఇండియన్స్‌కు తొలి ట్రోఫీని అందించడంపైనే దృష్టిపెట్టానన్నాడు. లీగ్ కోసం పూర్తి స్థాయిలో సన్నద్ధమైన తమ జట్టు ట్రోఫీ గెలవడమే లక్ష్యంగా బరిలోకి దిగుతుందన్నాడు. ‘నా కోసం లక్ష్యాలను పెట్టుకోను. ఒకవేళ పెట్టుకున్నా వాటిని బయటకు వెల్లడించను. నాలోనే దాచుకుంటా. ఓ రకంగా చెప్పాలంటే నేను కాస్త మూఢనమ్మకాలను పాటిస్తా. జట్టు లక్ష్యం టోర్నీని గెలవడం కాబట్టి దాన్ని మేమందరం సాధించి తీరాలి. ట్రోఫీ గెలిస్తే ముంబై ఇండియన్స్ అభిమానులకు పెద్ద బహుమతి ఇచ్చినట్లే. నేను ఎప్పుడూ గెలవాలనే కోరుకుంటా. మా స్థాయి మేరకు రాణించేందుకు కృషి చేస్తాం. మిగతాది దేవుడికి వదిలేస్తాం’ అని ఓ ప్రమోషనల్ ఈవెంట్‌లో పాల్గొన్న సచిన్ వ్యాఖ్యానించాడు. గతంలో కూడా చాలాసార్లు ట్రోఫీని గెలిచేందుకు ప్రయత్నించినా అది సాధ్యపడలేదన్నాడు.