Posted: 02/28/2013 06:58 PM IST

ఓ నిర్లక్ష్యం.. చరిత్రను కాలగర్భంలో కలిపేసింది. చరిత్రలో ఇది తమదంటూ రాసిపెట్టుకున్న 'పేజీ'ని బూడిద చేసింది. ఈ నిర్లక్ష్యానికి కారణం ముంబయి స్కూల్ స్పోర్ట్స్ అసోసియేషన్ (ఎంఎస్ఎస్ఏ). దీని అలసత్వానికి కాలి బూడిదైంది సచిన్ టెండూల్కర్, వినోద్ కాంబ్లీ 25 ఏళ్ల క్రితం నెలకొల్పిన 664 పరుగుల ప్రపంచ రికార్డు భాగస్వామ్యం స్కోరు షీట్. విషయం ఏమిటంటే.. 1988లో ఫిబ్రవరి 24న ఎంఎస్ఎస్ఏ ఆధ్వర్యంలో నిర్వహించిన హారిస్ షీల్డ్ మ్యా చ్‌లో సచిన్, కాంబ్లీ 664 పరుగుల భాగస్వామ్యం నెలకొల్పారు. దేశవాళీ, అంతర్జాతీయ ఇలా ఏ ఫార్మాట్‌లోనైనా ఏ వికెట్‌కైనా ఇదే ప్రపంచ రికార్డు. ఆ మ్యాచ్ స్కోరు కార్డును ఇప్పుడు ఎంఎస్ఎస్ ఏ దహనం చేసింది! అదేమిటని ప్రశ్నిస్తే 25 ఏళ్లకు మించిన రికార్డులేవీ తమ వద్ద ఉండవని సెలవిస్తోం ది. 'అన్ని రికార్డులతోపాటుగానే ఈ స్కోరు కార్డును కూడా భద్రపరిచాం. అయితే 25 ఏళ్లకుపైబడ్డ రికార్డులను మేం స్టోర్ చేయలేం. కాబట్టి ఆ రికార్డులన్నింటినీ తగలబెట్టేశాం. ఇతర మ్యాచ్‌ల స్కోరుకార్డు లాంటిదే ఇది కూ డా' అని ఎంఎస్ఎస్ఏ కార్యదర్శి హెచ్ఎస్ భోర్ తెలిపాడు. కాగా, 25 ఏళ్ల క్రితం సచిన్, కాంబ్లీ నెలకొల్పిన ఈ ప్రపంచ రికార్డును 2007లో భారత్‌కే చెందిన మనోజ్ కుమార్, మహ్మద్ షైబాజ్ జోడీ (721) బద్దలుకొట్టింది.