Posted: 02/05/2013 03:27 PM IST

భారత స్టార్ బ్యాట్స్ మెన్ యువరాజ్ సింగ్ క్యాన్సర్ ని జయించి, మళ్లీ క్రికెట్ లో సెకండ్ ఇన్నింగ్స్ ని ప్రారంభించిన విషయం తెలిసిందే. అయితే ప్రపంచ క్యాన్సర్ దినోత్సవం నాడు నిర్వహించిన ఓ కార్యక్రమంలో పాల్గొన్న యువీ తన క్యాన్సర్ నాటి పరిస్థితులను ఓ సారి గుర్తుకు తెచ్చుకొని ఉద్వేగానికి లోనయ్యాడు. తాను క్యాన్సర్ భారిన పడినప్పుటి నుండి తీవ్ర మనో వేదనను అనుభవించానని, ఒక దశలో నా జీవితం ముగిసిందని అనుకున్నానని, కానీ ఆర్మ్ స్ట్రాంగ్ లాంటి వాళ్ళను ఆదర్శంగా తీసుకొని కోలుకున్నానని యువీ చెప్పాడు. కాన్సర్ వ్యాధిని ఆదిలోనే గుర్తిస్తే పూర్తిగా నయం చేసుకోవచ్చని యువీ అన్నాడు. దీని పై అవగాహన కల్పించేందుకు ‘యువికెన్ ’ అనే సంస్థను  ప్రారంభించాడు. తాను క్యాన్సర్ తో చేసిన పోరాటం పై ఓ పుస్తకాన్ని సచిన్ చేతుల మీదుగా  త్వరలో ఆవిష్కరించబోతున్నాడు.